等儲局

 

2028...

SIGH...

2028…

SIGH…

 

 

 

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大，杜指跌66點，趁住市靜少少，我又無咁忙，答一答問題。

      近日經常有人貼我在2012年的舊文，質疑我在當年話樓貴，他們問我兩個問題，1. 點解「股平樓貴難永續」(當日文章的題)?  2. 2012年樓市是高還是低？

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升，兩者不會出現這麼大的差價，差價終將拉近。邏輯上之後會出現三種可能，第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況，2012年樓價，以中原城市領先指數計，當年年中上升到110，比97年高位還要高。但當日恒生地產分類指數只有25000點左右。到今天中原指數升到159，地產分類指數升到36326點，中原指數升咗44.5%，地產指數升了45.3%，兩者升幅相當接近。

        唔買樓買地產股一樣升。你可以駁我買樓有槓桿，買股唔借錢無槓桿，呢樣確實係。你又可以駁我細價樓升幅比大價樓多，中原指數不完全反映現實。呢樣亦係，不過若你咁唔好彩走去買豪宅，或者新樓貴貴單位，而家比2012年跌了要蝕讓的大有樓在。

        我當日想講兩個觀點，第一是2012年樓價是高(這是第二個問題的答案，今天仍然覺得如此，不是今天更高，當日便不是高，樓價高低從租金收益率可以看到)。第二是有其他替代投資。

        第一點針對「自住的我」，第二點針對「投資的我」。先講第二點「投資的我」，這個世界有很多投資目標，不買本地港島樓去投資其他東西，可以買股票，也可以買其他地方的樓，如大陸樓，這就是所謂替代投資。最笨的如買我經常講的越秀房地產(405)，每年派7厘息，2012年中3.6元，如今5元，賺價39%，加埋每年7%息，夾埋5年有70%以上回報，唔係好失禮。

        其餘如2008年、2009年我都幾經常講在大陸買樓，在2008年廣州市區天河樓1000元人仔一呎，即使到2012年也是1200、1300元人仔一呎，如今是5000元一呎，當然亦唔係咁多人買咗，我唔好講咁多，費事俾人媽我。不過對唔住，我自己過去幾年無在香港買樓，不過在大陸在倫敦買了樓，回報也不俗。所以覺得香港呢度樓貴，唔買有乜咁出奇。

        講番第一點針對「自住的我」，雖然我當日主要針對投資者，無叫人自住唔好買，我對自住用家買樓的問題都通常答案是「量力而為」，但如果你當日追問我，我會認為自住其實亦都唔太建議買。原因好簡單，我當日已覺得樓價貴，若財力唔夠夾硬去買，咁就咪制啦。

        我的心只想叫大家「控制風險」，自住樓也是長線投資，咁貴買風險幾高(今天係好高，明天可以係極高)。我見過1997年、2003年樓價大跌，好多人買了樓輸身家的慘況，有人被銀行斬倉，有人收入高頂得順，也供了20年貴樓，到今天才剛剛供完，20年收入主要拿了去供樓，特別是下跌之初頭5年，供貴樓搞到自怨自艾，搞到家嘈屋閉。所以我就扮晒巴菲特，叫大家不一定要買貴嘢。我年紀大啲，乜都見過，難免保守。

        講多兩句巴菲特，佢投資的基本點是不買貴嘢。但不冒風險不買貴嘢，貴嘢繼續升，提建議者會俾人鬧。巴菲特係芬佬，佢話試過唔買貴嘢，佢的巴郡表現跑輸大市，俾客戶日日鬧，又要沽佢隻股贖回投資，佢壓力好大，搞到電話都唔敢聽，捱幾年先至捱得過。

       都係唔好扮晒股神，我同巴菲特唔同，佢叻啲，我蠢啲。但佢搞基金怕客戶沽貨，我只係在免費網站吹吓水，無咁大壓力。我呢啲投資建議，你覺得啱睇可以睇，覺得唔啱睇可以咪睇，兩不相欠，相當自由。

//

2012年樓市是高還是低？

2028...

SIGH...

 

 

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續（下集）
2012-07-16
      
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

        不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

        大戶操控詮釋權

        股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

        上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

        第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

        投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

        投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

        第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

        這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

        散戶買股難長獱

        當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

        前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

        第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

        有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

        靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。

      股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。

      網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」

      沽樓買股受重創

      「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」

      他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」

      「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。

      第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？

      若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。

      第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。

      長揸平貨是正道

      第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。

      第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。

      最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。

      陸羽仁

 

子龍兄: 錢與我如浮雲

子龍兄: 時間一過，都要迫住散，要執生

滙控、人民幣、中國新經濟
2020年09月14日

　　上周五港股反彈189點，收報24503點，港股和美股暫時都處於調整狀態，反彈有點乏力，估計要消耗沽貨動能後，才會重拾上升動力。

　　周末與朋友聊天，他是滙控(005) 長期擁躉，揸了很多年。最近見滙控陰跌，不知再買溝淡還是賣好。他在多年前分別在70元和100元買入滙控，作為退休收息的長線投資，即使近年滙控業績轉差，滙控仍肯派息，雖然見到股價持續下跌，但見到每年有6、7厘息收，心情仍算踏實。但是滙控在英國政策下，今年上半年停止派息，估計下半年派息機會不大。由6、7厘息變成零息，又見滙控股價由今年初的60元上方，直插至上周五收市的32.25元，就像高台跳水，連水花都無。

　　滙控困局 短期難變

　　現時大股偏弱，包括內銀股、三桶油以至本地地產股表現都差，但沒有滙控那樣差勁，不但深度探底，還沒有息派。我見到朋友這個狀況也很無奈，只能提醒他，滙控的困境不是短期性，而是會持續一段時期。滙控目前可說是「三鬼拍門」，首先受環球疫情影響，銀行是經濟寒暑表，生意在下滑，壞帳在增加。

　　第二，面對網上銀行競爭，香港滙豐最近取消很多儲蓄戶口收費，隨著網銀發展和新的金融理財工具出現，滙控正面對「範式轉移」，在經營上面對很大挑戰。

　　第三，在中美糾紛中，滙控「左右不是人」，在美國眼中，滙控是與中國關係密切的銀行；在中國眼中，滙控是出賣華為財務總監孟晚舟的外資行。做大生意始終要政治依托，滙控目前狀況就像無涯之舟、無本之木，在滔滔江水中漂泊。

　　滙控目前跌至非常接近一年低位32.1元水平，真有點黃台之瓜的味道。更大問題是，滙控前景正面對重大挑戰，看不到有快速上升空間。估計在未來一段日子，滙控還會在低位徘徊為主，有反彈無升幅。

　　很多時候買股是買一個勢，當股份在轉勢時，大家不要讓自己受殘留記憶影響。回想1997年前，大英資公司香港電訊、滙控和國泰，因為與英國政府關係密切，或多或少都有壟斷性。回歸之後，其壟斷優勢可以說是江河日下(國泰叫做好一點)。如果我們還抱着舊觀念去看滙控，很容易會不斷犯錯。現時滙豐是一家經營相當困難，面對重大挑戰的環球銀行。大家不要像以前一樣，抱著買它最終會贏的想法。滙控已變成香港股市中眾多股份的其中一隻，而且還是走勢比較差的一隻。所以溝淡增持滙控絕對不宜，若退休組合倉位只集中買滙控，更會有相當風險。

　　人仔匯價 結構性升

　　如果講近期走勢強的，眾多投資類別中，人民幣是其中之一。人民幣匯價最近走勢強勁，兌美元匯價由年初接近7.1，升到目前6.83水平。按目前走勢有機會升穿6.8元，甚至再試2018年以來高位6.7。人民幣進入結構性轉強走勢，大背景是美元轉弱，小背景是中國抗擊新冠疫情成功，今年第二季有3.2%增長，相比美國9.5%萎縮，簡直是差天共地。中國人抱怨經濟差，其實已經活在天堂裏。內地消費踏入第三季開始暢旺，經濟好是支持貨幣走強的基本因素。

　　一般人會覺得人民幣升值，A股會上升，但最近一浪人民幣升值，A股沒有跟隨，外資近期成為A股賣方，與傳統觀念有點差距。主要原因是美股升上高位後急跌，外資風險偏好下降。在人民幣升值和中美息差擴闊情況下，部份避險資金進入中國不是買股票，而是買中國國債。如今中美息差接近2.5厘，中國國債由於近年大力控制借貸，風險下降，再加上人民幣趨升，吸引外資流入國債市場。長遠而言，全球貨幣寬鬆環境長期都不會改變，目前外資持有中國股票比重不高，中國股市市盈率遠低於美股，雖然短期內外資投資在中國國債，中長期仍會流入中國股市。

　　中國要搞新經濟模式

　　所以中短線而言，買以人民幣計價的中國債券回報，相信會比買滙控為高，風險卻較低。這主要是大勢使然，人民幣大勢向上，滙控大勢仍在反覆向下。

　　講到人民幣前景，不能避免要講中國經濟。據路透社報道，10月中共中央委員會會議的關鍵議題，應該會討論新經濟發展模式。除了會提及近期一直在講的以內循環為主、以外循環為副「雙循環」戰略外，中國還會提出研究各種改革，以建立長期增長動力。中國要藉改革提高增長，希望避免跌入「中等收入陷阱」(即人均GDP到一萬美元水平後經濟不再增長)。

　　其實在8月中，英國《經濟學人》雜誌已發表封面故事，說不要小看習近平的新經濟形模式。稱美國向中國發動貿易戰，背後假設是想向中國施加足夠壓力，令中國經濟崩潰。然而《經濟學人》認為這個邏輯很簡單，但卻十分錯誤。習近平推動的新經濟模式，顯示出強大動力，當中主要有三個要素。

　　第一，嚴格控制經濟周期和債務水平。中國應對新冠疫情的刺激措施金額約為GDP的5%，不到美國一半；第二，要有更高效率的國家行政機構，現時在中國成立一家公司只須九日，經濟可以更有效運轉；第三，模糊國有企業與私營企業之間的界限，在國企提升效益和允許私人投資，在私營企業裏設立黨組織加強戰略控制。《經濟學人》認為中國的新經濟模式，表現得相當好，估計未來中國會推動進一步改革，以對抗美國封鎖。

　　如前所述，滙控不是一隻很值得投資的股票，要買大股買盈富基金(2800) 會更好，有2.7厘派息，也處於一條反覆向上的通道當中，上周五收報25.26元。如果你看好中國經濟，不想揀個別股票又想買大股，就可以買恒生中國企業(2828) ，等如買國企指數，派息2.9厘，走勢略比恒指強一些。

　　總括而言，買股票作中長線投資要看大趨勢。大趨勢向上，就比較容易有好的回報。反之買一些反覆向下的股票，尤其是又不派高息的話，就「喊都無謂」。

　　陸羽仁

大選前敏感 揀股要可炒可揸
2020年09月14日

　　農夫山泉(9633) 等大型新股上市後，港股進入自由浮動狀態，恒指收報24503點，全周下跌192點，幾乎成個星期都調整的恒生科指，上周五終於迎來較大力反彈，單日回升2.6%，中止過去六個交易日走弱頹勢，收報7178點。

　　特朗普選情愈差波動愈大

　　港股上周企穩，主要是因為內地A股造好，外圍情況仍然不穩定，科網股高位跌跌彈彈。美國幾隻大型科網股今年升幅驚人，就算現在由高位回調10%左右，仍然大把水位，基金經理人人賺到夠，無好大意欲再搏，當股價向上急炒，人人驚蝕底買埋一份，現在高位受阻，失去一氣呵成的氣勢，基金經理可能會睇定先，未必急於掃貨。

　　相比之下，港股喺25000點樓下，獲利回吐壓力遠低於美股，加上疫情有受控跡象，大跌風險有限。現時港股最大困擾仲係政治，美國不斷同中國打口水戰，香港成為施壓目標，對本地投資氣氛有一定影響。大選臨近，有記者出書大爆美國總統特朗普刻意淡化疫情，令人關注對他的選情有多大影響。中環茶友話，特朗普選情愈差，他不按牌理出牌機會愈高。美國疫情相信喺選前都無法受控，擔心他會鋌而走險，令地緣政治氣氛急劇惡化。

　　物流股可揸可炒

　　大市交投低迷，相信都同市場人士認為，在11月美國大選前，政經暗湧難以預測，寧願保守小小，在觀望氣氛下，交投上周五終於跌穿1000億元關口。不過大選仲有接近兩個月，加上本地疫情有改善，投資者無理由甚麼都不做，其中一個策略係揀啲可揸可炒的股份候低吸納，當中一類係物流股。

　　物流股有可揸可炒的條件，一來因為早前阿里巴巴(9988) 增持內地圓通速遞A股，帶動香港掛牌的圓通國際(6123) ，增添這個板塊的炒作因素。另一個係物流公司生意經過上半年受社會停擺影響後，近日出現復甦，特別係網購受惠宅經濟，對物流業有好處。

　　聽航空界講，國泰(293) 準備大裁員，但屬下的廉航香港快運有機會避過一刀，皆因香港快運經營不少貨運業務。過去幾個月，本地貨運需求相當好，令香港快運保留不少生意。香港快運於覆巢之下仲能避過一劫，看來物流業大環境應該不俗。

　　如果參考業內公司管理層看法，都顯示物流業應該有機會見底。好似嘉里物流上半年純利大跌61%，但管理層看法是業績差、前景好。集團屬下倉庫需求急降，但最後一里的派送就大旺。幾個業務地區中，香港、台灣表現都好，中國就在強勁復甦中。管理層覺得下半年有幾個利好因素，包括藥品相關派送需求增加，這是嘉里物流的強項，另外，電子商貿持續增長，上門派送的服務會保持強勢。

　　吼大股低吸炒波幅

　　物流股早兩年紛紛上市，所以不乏選擇，部份實力較弱，細股要先捱得過難關，投資風險較大。嘉里係大股，過去一段時間表現好轉，上星期股價收報13.68元，與一年高位14.3元相去不遠。集團以去年盈利計市盈率6.1倍，上半年純利大跌，市盈率會急升，但隨著需求好轉，相信下半年業績倒退，不會像上半年劇烈，甚至有可能回勇，如果股價稍後有機會調整到13元樓下，可以買來短炒。另一隻大股係中外運(598) ，中外運估值仲平，但公司屬於國企。國企一般營運無民企咁靈活，最近市場炒圓通注資概念，中外運因為市值有番咁上下，股價都跟隨波動，提供上車落車機會。

　　恒隆兩位話事人 老爸出位兒低調

　　恒隆集團(101) 事隔20年再在港買地，爆冷奪得美國領事館在壽臣山物業，成為市場熱話。買地之後翌日，集團就宣佈委任第三代的陳文博擔任副董事長，令人猜測兩者是否有關。

　　恒隆現任話事人是第二代的陳啟宗，除了做生意，他還喜歡論政，經常語不驚人死不休，是商界中的金句王。相比之下，兒子陳文博就相當低調，他在幾年前已加入恒隆，據聞現任集團行政總裁盧韋柏，亦是由他推薦。

　　陳氏家族一向在美國人際關係甚廣，陳文博也是在美國西北大學畢業，10年前回港加入恒隆。早幾年集團重新為本港幾個商場，包括山頂廣場搞包裝訂位，陳文博就參與負責，表現不俗。公司在宣佈委任他升職之時，就話今年是恒隆成立六十周年，寓意應該盡在不言中。

　　陸羽仁