【補習老師】找補習老師需注意的7個特質? 第6樣好多人忽略易中招！

2020/09/23 09:58:40 網誌分類: 學習

23 Sep

私人補習越黎越普及，好多家長都會幫子女搵補習老師。但係私補老師嘅質素參差，唔同老師嘅教學能力同性格都會影響到教學質素同學生學習嘅進度。搵一個好嘅導師真係唔易，搵左個唔係咁好嘅話，真係又浪貴時間又浪費錢！咁到底點先為之一個好嘅補習老師呢 ? 今次Tutor Circle尋補同大家歸納左幾個補習老師應該有嘅7個特質，希望可以幫到緊張子女成績嘅家長搵到高質素而適合子女嘅補習老師！

1.科目成績優異

要識得教人，當然係自己嘅成績方面都要有返咁上下實力先得啦。教高中嘅話最好緊係要個科攞星，教初中或小學嘅話起碼都要合格，識啲基本野。如果導師自己都讀唔掂，仲邊到有資格教人呢 ? 相信呢一點大家都知，所以呢一點只係一個基本門檻，有唔代表佢係一個好老師，但冇嘅話都幾難係一個好老師。

想確保有一個成績好好嘅導師？Tutor Circle 尋補高中學生配對5*及5**率超過90%，係科目成績優異嘅不二之選。

2.能清楚解釋概念

可以清晰講解到唔同複雜嘅概念，並且令學生明白係一件非常高深嘅學問。

呢一點非常重要，好多時候我地會有個錯覺，以為只要老師成績夠勁，就一定教得好。但事實並非如此，識讀唔代表識教！讀得好，係代表老師有好嘅理解能力，但教得好，係講求傳送訊息同教人嘅能力，兩樣野係唔同架。要教得好，一定要識得將複雜嘅概念簡化，深入淺出，令到完全唔識嘅學生都聽得明成件事，靠組織同歸納幫助學生理解，而唔係幫老師自己理解，大家真係要留意呢一點。

3.耐性

補習老師需要有一定耐性，尤其是對住定力唔夠嘅小學生。

每個學生理解事物同埋知識嘅方法，仲有吸收速度都有所不同，老師有時解釋左一兩次都未必有辦法幫到學生理解成件事，因為大家嘅知識本身水平就有差異，要逐步幫學生由完全唔識到理解，有時係需要碼斷重複同犯錯，老師如果缺乏耐性，覺得學生唔掂，但又唔搵方法教到學生明白，咁呢個真係唔算一個好好嘅補習老師。

4.了解學生需要

私補最有優勢嘅地方就係個人化。導師透過一對一或者小班教學，可以清楚了解學生需要同問題所在，然後locate resources 作針對性改善。所以好嘅私補老師一定會時時刻刻留意學生係咩位卡住，有咩位唔係好掌握到，分析返要點樣進步，做啲咩練習，呢點就係點解好多人會選擇搵私補嘅原因。

延伸閱讀【通識補習】補習名師選擇 & 話你知溫習小竅門！

延伸閱讀【DSE Maths Cut Off】有效温習大計！

5.良好溝通技巧

良好溝通可以有助導師了解學生需要，因才施教。

唔同上面嘅解釋概念，呢到嘅溝通技巧係講點樣同學生進行有效溝通，了解佢嘅興趣、學習需要、心情、性格、習慣等等，咁就可以更加了解個學生。例如學生本身有欠自律，老師就要用強硬少少嘅態度去安排功課，學生本身比較有紀律，就可以減少堂上去做practice嘅時間，集中教一啲新野，透過溝通了解學生多一點，教學嘅效率都會高一啲。

6.有責任心

無論有幾咁豐富嘅知識都好，如果導師連一個人嘅基本操守同品格都唔好嘅時候，就唔應該用。呢一點好重要，冇責任嘅老師常可能會甩底、冇準備、遲到、失蹤等等，呢啲行為嚴重影響左學生嘅學習進度，遇到呢啲情況一定唔可以長補。對住冇責任嘅老師一定唔可以心軟，快啲換一個啦！一個冇責任心嘅老師係唔值得你花時間同金錢係佢身上㗎！

7.課堂安排