【DSE英國文學】英國文學無想像中咁難？！葵花寶典黎啦！！！
DSE英國文學 點讀好？
根據Wisdomite Education 嘅人物訪問，18歲的Francesca認為讀英國文學對學習英語嘅幫助好大。喺文法同英語技巧上，修讀英國文學係一個好有效嘅途徑令學生大量閱讀同寫作，令學生熟習英語文法同語句。英國文學涉獵嘅範疇好廣：睇書可以提升學生嘅閱讀速度、睇英文影可以訓練學生嘅聆聽和理解能力。但2020年得總共265個人考DSE英文文學，可謂少之又少，點解嘅呢？可能大家都覺得佢係一科好難觸摸嘅科，又冇固定答案，啲英文詩都唔知點溫。Tutor Circle尋補小編呢篇文章希望能夠成為每一位讀呢科嘅人嘅溫書策略，
希望大家一齊考好呢一科，入到自己想入嘅大學！
見到呢幾年讀英語文學 (English Literature) 嘅朋友仔越來越少，
唔知係咪因為太多人覺得英國文學呢科好難讀呢?
小弟一路有自己嘅秘技去溫，
所以喺全級排名攞到一直穩守頭三，
希望以下我嘅分享可以幫到修讀英國文學嘅你啦!
1. 每日最起碼睇一篇未見過嘅文學篇章
要提升睇文學性poems 既語感，無論你鍾意佢定唔鍾意佢都好，
但係我認為每日睇一篇文學作品，不論係長到幾版紙或者短到一頁就無，
起碼可以增加你係呢方面嘅語感，
對poem嘅認知都一定會日積月累，
特別係嗰啲修辭同埋唔同作者寫詩嘅手法。
2. 睇每一篇故事或者poem之前都睇一睇作者嘅背景
呢個方法係我老師教我的，
因為你睇咗作者嘅背景之後，你對佢會有更加深嘅認識。
再者，英國文學好睇重情感上嘅感悟㗎！
而且明白佢點解會作某一題材或者某一感情嘅詩。
例如Sylvia Plath因為自身家庭同失敗嘅婚姻關係，
所以佢嘅poems都比較黑暗同埋悲傷。
又或者好似Robert Frost，佢本身住喺郊野地方，
所以佢比較鍾意用大自然事物，
寫出人與人同大自然之間嘅關係，或者抒發自己對人生嘅睇法。
延伸閱讀 【IELTS私人補習】考ielts你可以點準備？需唔需要私補？
延伸閱讀【補習價錢】私人補習價錢2020 – 點先搵到合適嘅私補價錢？
3. 自己一定要整番一份屬於自己嘅notes
要包括咗每一個會考嘅故事，小說，poems …etc.
無論係喺電腦入面打嘅，或者自己手寫嘅
(推介用電腦打，始終手寫嘅話要寫好耐)，
裏面盡量包含曬自己所有唔識嘅，唔熟嘅地方。
可能係人物關係，修辭技巧，或者一啲故事深層嘅內容。
咁樣嘅你可以一考試或者測驗之前就一次過溫曬一份專屬於你自己嘅notes，
如果你未做過屬於你自己嘅文學notes，你可以趁而家考試前做呢一份功課，
當係畀一個機會自己做一個學年總結!俾嘅機會自己重新審視英國文學！
4. 自己寫番一份包含所有英國文學包含嘅修辭技巧清單
由初中(如果你學校有強制初中學生要學英國文學嘅話)
至高中你起碼學過超過一百種唔同嘅文學，修辭甚至拍攝技巧，
如果你唔寫低嘅話，一定會好易唔記得曬。
就算宜家求其問你一個文學修辭手法，你可能都已經唔記得咗佢究竟係咩意思。
更何況見到一篇你完全唔識嘅文學作品，問你佢有啲乜嘢特別嘅手法。
如果你肯畀心機寫一份專屬嘅英國文學notes,
然後包含曬你學過嘅一百幾種文學修辭手法，
我相信就算你遲啲懶得唔溫，
你最後都會去攞份notes(係咁以睇兩眼)。
因為係你自己付出過血汗同時間寫，
我相信咁樣對你溫英國文學黎一科會有好大幫助!
5. 有時lunch可以同一齊讀英國文學嘅朋友仔交流下
大家可以互相總結一下自己溫嘅文學作品或者notes，同時可以畀大家refresh下。
之後再針對某個大家都覺得好難嘅文學作品，睇下有冇啲乜嘢唔明嘅問題。
如果到最後冇人可以教得明其他人，
咁就可以將嗰幾條唔明嘅問題寫喺張便條紙，
然後將佢畀老師，等一個更加專業嘅人去解答。
希望我以上呢五個方法都可以幫到讀呢英國文學嘅朋友仔更上一層樓，
如果你有啲乜嘢高見嘅話，歡迎你同我一齊分享，希望大家一齊可以喺英國文學都考到5**!!!
延伸閱讀【HKDSE Maths】究竟DSE數學點讀先高分？
延伸閱讀 【DSE Maths Cut Off】有效温習大計！
緊貼尋補 Blog、Facebook 、 Instagram同 WeChat，尋補？Tutor Circle！
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式
