黄SIR學嘢經驗

講咗咁多日詩, 相信有D唔鍾意詩D朋友悶到嘔ｏ

好, 就襯今日心情好, 做吓網上廣告ｏ超伯一上電視, 人流升到日日有幾百人流, 小弟日日寫, 得佢十分一, 真失敗ｏ

可見好嘢一定要宣傳, 例如黄SIR 唱歌又叻, 跳舞又叻, 才高八斗, 學貫中西, 能文能武, 天下第一奇才, 焉能藉籍無聞哉？

人生苦短, 人死留名, 豹死留皮, 起碼都要留D嘢 係 BLOG上至得也ｏ

想黄SIR細細個在澳門漢文小學讀書時, 日日要念一篇古文, 什么 歸去來辭, 什么岳飛 滿江紅, 什么蘇軾 赤壁懷古ｏ小小年紀都唔明, 已記得滾瓜爛熟, 原來呢個訓練, 係會終身不忘嘅ｏ當時年紀細, 人地咁教我咁學, 也不覺怎樣不合理ｏ但現在D小朋友拒絕咁記ｏ話死背冇用ｏ又違返人權ｏ似乎就矯枉過正矣！

我到而家都可以出口成文, 就多得呢種八古佬嘅訓諫了ｏ

一個人如果掌握了學一樣嘢的方法, 以後就學親嘢都會醒神過人了ｏ

其實黄SIR以前在理工教D資訊科技, 我讀書時都冇嘅, 我係讀物理嘅, 讀吓讀吓,我就連人理都明埋, 以後學乜都掂過人ｏ

學唱歌, 一聽就明ｏ（你地自已聽吓黄SIR唱成點嘞！唔好俾意見呀！讚就得！）

學跳舞, 又掂ｏ（掂的意思是肯嘗試, 亂試一通, 難得又有人肯俾黃SIR較飛！嘻嘻！）

有時發夢都笑出聲也ｏ

吓？

發夢冇咁早？

車！