27~28/1~立春前股市例插魔咒

2021/01/27 20:56:29 網誌分類: 經濟
27 Jan

港股高處不勝寒, 繼續尋底屠牛之旅

27/1 周三恒指收29297, 跌93點, 結算前連跌兩天, 失守10天線利淡

立春前股市例插的魔咒, 點升上來就點落番去, 港股敗象已呈, 繼續尋底屠牛之旅, 去年收升月每個月跌6~11天, 全靠呢兩日急起直追, 才收跌6天, 因為今個月港股跌市日數太少, 月尾補跌中, 今日港股指數跌幅不大只係假象, 下跌股份超多, 有濃濃的臨危托沽味, 連續兩日底頂下移, 淡友已奪回主導權, 後市仍凶險, 今晚聯儲局議息, 小心股匯債有變會拖低股市, 因為資金流有變的話, 熱錢撤退就會拖累全球股市

先假設道指.上証.港股已同步於過去幾日先後見頂回落, 轉勢向下, 正處於尋底勢頭, 早市插到落29194見淡友收斂攻勢, 以為有淡友食胡, 但午後淡友加沽, 形勢不妙, 順勢應走貨及造淡, 因為港股見雙頂就會急挫, 好友可能已閃, 向下關鍵位29000.28800.28500.28000.27800.27500(50天線).....如關鍵位逐一失守, 就係撤資

今日北水流入為今個月第二大, 大媽掃QQ及港交所, 但兩隻強勢股仍下挫, 可想而知港股沽壓多麼沉重, 淡友捱打已久, 趕狗入窮巷, 發起惡唔講得笑, 自從去年聖誕節後恒指收復10天線, 就一路拋離10天線扯住上, 但昨日收市位卻緊貼10天線, 係強烈利淡訊號, 我再度發出向淡警號, 今日淡友果然成功隊穿10天線,

周一QQ曾高見$767.5, 今日收$701.5, 仍未有見底跡象, $700危危乎, QQ未見底, 港股未見底, 今日新經濟股繼續洗倉式急挫, 點升上來就點落番去, 一如早前所說, 我一直認為過去一個月靠資金推動的牛市係虛火上升, 全球新冠疫情不斷惡化, 英國變種病毒傳染力及死亡率高, 多國亦相繼出現病毒變種, 疫苗接種率低, 以目前香港差劣的經濟情況, 升穿去年高位29175是極不合理, 北水公募基金資金湧入係推動港股爆升的源動力, 當北水一收, 港股升浪就告一段落

早前估計撐埋結算就會隊穿29000落去補裂口, 睇勢頭看來會不幸言中, 今日低見29194, 19/1煙花裂口28864~29100, 11463~11576唔撐得幾耐, 今日港股即市跌下彈下係引好友入局及派貨, 大鱷亦想震走淡友熊熊, 早市落到低位29194曾拗腰上29400樓上, 卻未能回穩, 午後再挫, 淡友加沽好友縮, 大媽的買盤都頂唔住沽壓, 唔係幾妥,昨日港股暴跌,反映熱錢拆倉撤退金額比撐市的北水多

有人行官員表示股樓有泡沫跡象, 元帥真係烏鴉嘴, 日前才說小心阿爺為股市降溫, 港股就會反艇, 開口中, 阿爺打pat pat, 加上內地股民沽貨離場準備放年假, 內地股市成交急降, 冇水, 怪不得股市轉弱, 內地四大指數雖然收升, 不過一眾券商股卻反艇, 就知阿爺嚇到股民雞飛狗走, 想知融資融券(孖展)業務冷熱度, 券商股就係股市溫度計, 早前中港股市急升, 券商股亦彈高高, 近日券商股反艇, 具啟示作用, 預示中港股市後市不妙

~~~~~~~~~~~~~~~~~~~~~~~~~~~~~~~~

新經濟股joy變災

尋頂市唔理壞消息, 照升可也, 尋底市就會對壞消息有強烈負面反應, 睇下QQ就知道, 泡沫爆破係好得人驚, 係早前急升的翻轉版, 走得快好世界, 明日期指結算遇上聯儲局議息, 匯市有變的話, 淡友佔優勢, 近日美元站穩90水平, 當美元轉強殺上91(匯市分析師估計會見91.7), 假如匯市拆倉, 股市就會反艇, 止蝕盤會掀起骨牌效應, 導致大市急挫,

今日新經濟股走鬼暴跌, 聞到災味, 經過長時間的升浪, 股民都沉醉於一買即賺的美夢中, 目前唔少股民仍重倉港股繼續買上, 但上周五港股第一棍插水我已改變買上策略, 轉為走貨及買落, 其實好消息已全數反映在股市上, 已經升到泡沫水平, 財演及一眾分析師及基金經理仍唱好大牛市, 說呢兩日只係健康調整, 大佬! 牛市都可以跌二三千點咖! 輸死了, 仲講健康? 當港股失去了北水對抗老外的沽盤, 就會反艇

新經濟股繼續洗倉走鬼, 港股寵兒風光不再, 早前市況好時一插即彈, 但呢兩日買盤縮, 沽壓大, 代表港股尋頂勢頭已逆轉, 變成尋底市, 人人爭相沽貨, 所以低位毫無承接力

早前已提醒大家, 港股升到虛脫, 透支了升幅冇好下場, 當時已列出多個利淡訊號及預測, 一一命中, 未來兩日恒指不會高過上周五收市位29447, 會係底頂下移, 隊穿29000落去回補上升裂口28864~29100, 好友今日已經撐得十分吃力, 明日不妙, 一直擔心2月市況, 看來會提早於1月尾就反艇(可重溫25~26/1及20~21/1網誌~嚴重超買+利淡訊號的另類測市指標)

我一直擔心30/1~20/2水星逆行, 10/2六星連珠, 預言家早已預告20/12/2020~31/3/2021會有災, 以及農曆年前幾個星期(25/1起)係大媽沽貨撤退收爐期, 係淡友反擊的良機, 道指已於21/1見頂31272, 上証於25/1見頂3637, 中港美三地股市同步, 港股亦已做了雙頂, 尋頂市逢跌買上策略已改變, 轉為炒尋底市, 因為上周五(22/1)港股大跌, 已打破了一鼓作氣單邊向上殺淡友的勢頭, 轉勢向下殺好友

{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}{#icono_61}{#icono_64}

港股失守20天線, 繼續尋底屠牛之旅

28/1 周四恒指收28550, 大跌746點,

升到泡沫水平的新經濟股繼續慘遭洗倉, 破位而下, 拖低大市, 不過由去年9月中起, 科指跌3日例彈, 未見過連跌4天, 如明日續跌, 就打破了慣性走勢

今日恒指高低位28467~29191, 繼續底頂下移, 尋底市每周都會有新低, 按照月波幅, 2月要跌穿本周低位來擴大月波幅, 如收於28500之下, 500點一級就要向28000進發, 如果守唔住, 就要落27500(50天線),

今日全數回補上升裂口28864~29100理應彈一彈, 但竟然連環插穿幾個大位, 可能係大鱷想逼好友斬倉及殺牛, 止蝕盤出龍, 幫手推低大市, 我估今日殺了近3000張牛牛,

牛死牛還在, 牛熊分布極度失衡(11160牛 VS 2482熊), 牛多熊少, 貼價28400向下每百點都有肥牛, 會拉住港股落山, 瘦熊在老遠, 一如前文所說, 農曆新年前兩個星期(25/1起), 2月都係高危時期, 近日恒指已先後失守10及20天線, 2月或會隊穿28000落去50天線

明日黑期結算及月結, 縱有反彈, 20天線28676.關鍵位28800.29000都會見阻力, 過去三日都係頂部下移, 未完成調整前就算反彈亦不應高過今日高位29191, 本周中港股市收跌已無懸念, 按照慣性走勢, 明日收市位應大幅拋離29447,

~~~~~~~~~~~~~~~~~~~~~~~~~~~~~~~~

中港美三地股市同步尋底

港股技術指標已明顯轉弱, 北水縮, 內險A股插水, 弱得不尋常, 拖低H股, 阿爺打pat pat, 針對融資融券.新能源車行業.內房.內銀.內險.... 加上農曆年收水效應, 內地股市成交持續縮減, 由早前約12000億元人民幣降至今日約9100億, 怪不得今日上証低開低收, 一跌到尾, 低位毫無承接力

按照技術分析, 頭一浸落到28600應反彈, 上去吻別大位28800/29000, 然後再繼續尋底, 大鱷可能擔心今晚美股反彈, 唔想放生牛牛, 所以拿拿臨隊穿28500殺牛, 港股連跌3日, 收28500邊, 走勢差劣, 上証收3505, 亦剛好落到3500大位,道指低見30207, 30200亦係大位,中港美三地股市通常係同步尋底頂,如果守得住大位就會齊齊反彈, 如上証失守3500創新低, 恒指就會插穿28500同步創新低, 向地獄進發

12月尾展開的大升浪到25/1結束, 26/1開始急挫, 升浪都玩左一個月, 跌浪點會跌幾日就收工呀? 泡沫剛爆破, 下周三才是立春, 港股不會這麼快見底, 28500危危乎

股民往往輸在轉角市, 好友一味向上望, 失去警覺性, 忽略了利淡訊號, 有散戶係今次升浪中後期才搭順風車做好友, 都賺到笑, 到今個星期港股轉勢向下, 結果將早前的盈利嘔得七七八八, 因為贏錢, 好友愈炒愈心雄, 投入更多資金加碼買上, 風險增加, 當市況突然逆轉, 就走避不及,

~~~~~~~~~~~~~~~~~~~~~~~~~~~~~~~~~~

北水縮.好友哭

恒指由高位30191跌至今日低位28467, 大幅下跌1724點, 如果係上落市由高位回吐1000~1200點就會反彈, 但今次卻暴跌超過1700點仍未有見底跡象, 進一步確認轉勢向下尋底勢頭, 美元衝上90.8打回頭, 收90.54, 如果避險情緒再度升溫, 美元彈高, 股市就死得

25/1見頂回落(30200攔路), 目前正在潛行凶間, 睇下阿爺監管內地基金的新政策, 就知中港股市已同步見頂, 同步尋底, 水喉關掉, 煙花亦燒完了, 一如早前所預測, 趁農曆新年前兩個星期北水收斂, 淡友會偷襲, 看來要等港股嘔得七七八八, 大鱷於低位收夠貨, 港股才會有轉機, 希望內地新年長假期後復市, 大媽回歸幫手撐市,

老外今日大手沽出A股, 大媽繼續掃貨, 主力買愛股QQ, 阿爺推出政策來監管基金持倉, 導致北水流入港股創本周最少, 亦令內地股市出現走鬼潮, 拖累港股反艇, 北水於9~17/2春節假期暫停, 農曆年前北水關掉, 早前港股爆升風光不再, 點升上來就點落返去, 其實股市不是一個賺錢的地方, 係蠶食股民血汗錢的地獄, 長線投資才有勝算, 但投機短炒的股民賺賺埋埋, 往往到頭來都會嘔突盈利, 一場歡喜一場空, 賭仔心態, 股民只會不斷在股海沉淪, 萬劫不復

日前我提醒大家要小心內地公募基金贖回就會拖低大市,唔使等二月初,可能提早於今個星期發生了, 今日內地股市成交縮,連續兩日都係只得約9200億(早前是10000~12600億元人民幣), 不幸言中

大牛市升得好地地, 道指卻突然連跌5天, 打破了連跌的慣性走勢, 嘔突1月所有升幅真係唔對路, 立春前股市例插魔咒真係好邪門, 美股上月收30606/3756/12888, 如果今個月賀新總統上任美股月線要收升的話, 就要彈番上去, 不過過去兩個月美股升過龍, 加上周五係美股四期結算, 過去幾日淡友正在反擊, 想推低結算, 好友撐得十分吃力, 聽聞今次牛市, 全球股民大增1~2億, 這麼多新丁及投機者入市, 升市就係joy, 跌市走鬼時人踩人就係災

好邪門, 原來去年同一時間(21~27/1)道指都係五連跌, 今年(21~27/1)又係五連跌, 如果道指跟去年一月的走勢, 五連跌後三日合共升約300點就會再插水, 然後急彈, 反覆向上, 月中創月內高位, 然後再碌落山, 不過今年換了新總統, 未知走勢會否一樣

回應 (0)
我要發表
user

最新回應

水滴石穿
水滴石穿 2021/03/06
@soho*...

中國應不會放水,放水等於替美國買單

最困難時機已過,最近高層強調的一直是防範金融風險泡沫

GDP不是保6,各國際金融組織預測中國增長8-9。6是一個保守目標,不需要放水也可以實現。

試下學下
試下學下 2021/03/06

降準🧐🧐🧐好似好耐無做過,翻查下先,但上證張圖未破哂平均線,政策做市好似等大插插先

不過是大成數,公布左保6。跟住就快美國又議息,吾再加大放水都會視為一收水訊號,過去多年慣性都係西收東放,反之亦言

疫情開始美金狂印,丫爺就收水抽緊,而家倒轉姐

美股犀利又大反彈🐊🐊🐊,過夜真係玩到你謝

兩會開始跌,甘下星期開完係咪升呢🤔🤔🤔

soho*
soho* 2021/03/06

熊QQ時機已過, 日前我唱淡$723時就得, 如今插到落大位$680, 大媽會出手護盤

我想牛阿爸, 熊小米, 等我周末再諗下先

今日有股份已經跟住兩會言論來炒上

soho*
soho* 2021/03/05

揀定心儀股份, 等下個星期出現震盪就落雨購物