港股10及20天線穿梭、好淡通殺

13/2/2024 恒指公司:歷來4次龍年紅盤皆高收 平均升幅1.7%

<匯港通訊> 恒生指數公司發布的《快訊》表示,根據恒指的歷史數據,自恒指於1969年11月推出以來,港股錄得29次的紅盤高收,意味著春節後首個交易日錄得升幅的概率為54%。

數據顯示,過去4次龍年皆錄得紅盤高收,為唯一一個全部紅盤皆見高收的生肖。過去4次龍年紅盤的平均升幅為1.7%,在12生肖當中排行第三。

港股成交急降、大龍鳳先兆

8/2 周四恆指收15878, 大跌203點呈陰燭

明日農曆新年長假期内地休市, 冇咗阿爺大媽撐腰, 港股10及20天線危危乎, 人民幣回軟, 牛多熊少利下殺, 肥牛在15700之下, 明日關鍵位15533

星期二好友大鱷借阿爺大大力救A股之力, 大舉挾淡倉抽到上16408,  殺完淡友就殺好友, 市場回歸現實,美國繼續出招打壓中企, 加上阿里業績見光死, 就拉咗港股落山

港股今日成交大幅縮減至777億元, 為近4周以來最細成交, 成交急降係大龍鳳先兆, 每次港股上山掂完50天線都冇好下場, 加上長假期前的避險沽壓, 明日港股大除夕半日市,  好友命危

==========

港股衝高秒殺 肥熊即回

7/2 周三恆指收16081, 跌55點呈陰燭

港股果然例牌掂一掂50天線就掉頭回落，人人都知50天線魔咒位阻力大，加上阿里今日收市後公布業績，所以股民趁高開衝上去16408就爭相沽貨，導致港股先高後低，單日轉向, 超樣衰, 恆指做夠千點周波幅，好友大鱷食胡，牛牛已上移至15700附近

日前我已留言提醒大家，如持有即將公佈業績的股份要做好防風措施, 中芯公布業績後見光死

昨日老外大舉掃入A股，今早 趁內地股市彈高都沽貨食胡, 開市初段港股急升後獲利沽壓湧現，好友可能係同元帥一樣準備收爐放假，呢兩日沽貨止賺減磅，安心過年

今日高見16408, 長氣蛇說睇倉位淡友收手，更認為未來兩日會殺上16600, 相反指標好友就要小心港股要碌落山了

==========

6/2 周二恆指收16136, 大升626點

國家隊加大增持A股ETF力度，以及擴大救市規模， 刺激內地股市急升，上證創近兩年最大單日升幅， 淡友慌忙回補空倉，推動港股飛天，港股大舉屠熊，繼續尋頂, 向上50天線魔咒大位在16270附近，再上阻力在16500.16800……

==========

5/2 周一恆指收15510, 跌23點呈陽燭

懶理中美股市反艇，恆指已是連續4日收市守住大位15400, 老外大媽齊齊入貨，大媽更大手掃入港股ETF博反彈，今日大鱷壓住大市畀15700樓上BB熊出世，15900樓上有肥熊, 該水平正是30/1的下跌裂口所在

阿爺繼續出招救市，權重A股逆市急升，上證2700失而復得，成交明顯增加，為一個多月以來最大成交

QQ繼上周五收復10天線後，今日進一步重上20天線，具啟示作用，昨日轉節氣立春，預示港股會有大變

==========

2/2 周五恆指收15533, 跌32點

內地股市反艇，港股雖然收跌，但冇大插，收市幅度不大，QQ逆市上升，收279.4，重上10天線, 無形之手托住QQ來撐市，好友已是連續3日守住15400,  空軍只係略為加沽，冇爆燈，下星期一5/2降準生效有水到，內地股市今日卻持續潛行凶間，要等阿爺再打救

==========

港股10天線穿梭、好淡通殺

1/2 周四恆指收15566, 升81點

2月開新局玩法唔同咗, 1月淡友食飽飽, 踏入2月攻勢略為收歛, 等彈上去才加沽，上證及美股反艇, 但好友咬住15400大位, 皆因今個星期恆指周波幅已達標，所以今日港股冇深潛, 港股表面上收升, 不過唔少股份都洗倉式大跌

美國十年期債息由1月中的高位4.198%反覆回落至3.9%附近, 昨晚插水的納期急彈,  科指借勢大幅反彈，拉番港股上山, 但上證彈散, 拖累港股衝高回落, 抹去大部份升幅

滬深兩市四大指數3升1跌, 空軍趁港股反彈加沽, 高達19.86%, 沽空比率接近爆燈水平，貼價牛熊愈養愈肥，牛比熊多，而大媽就積極沽貨走鬼

==========

30-31/1 期指結算及黑期結算完成, 淡友贏到笑呵呵,一月埋單月線收跌,  不過明天轉月開新局及公布議息結果,  會有大龍鳳, 向上阻力15800~16000, 向下大位15400.15000

上証月線收2788, 上周收穿2800兩天後重上, 老外趁內地股市大跌掃入A股，推動內銀內險中石化宁德时代等權重A股逆市上升

30-31/1 期指結算及黑期結算完成, 淡友贏到笑呵呵,一月埋單月線收跌,  不過明天轉月開新局及公布議息結果,  會有大龍鳳，向上阻力15800~16000, 向下大位15400.15000

上証月線收2788, 上周收穿2800兩天後重上, 老外趁內地股市大跌掃入A股，推動 內銀內險中石化宁德时代等權重A股逆市上升

美國十年期債息由月中的高位4.198%回落至3.9%附近

港股結算前夕有暗湧

29/1 周一恆指收16077, 升125點

上周老外趁低吸納A股，不過就趁今日早市反彈大手沽貨，滬深兩市下跌股份勁多，只係靠內銀內險等巨企撐市，老外沽A股，大媽走港股，齊齊止賺鬆人

今日上証見頂回落，港股冇跟插，皆因大鱷托住大市畀貼價牛出世，好明顯係震熊引牛，大量好友湧入買15900樓下的BB牛，科企好倉增加，真係要買定棺材

月尾6天恆指跌1天，升了3天，跌市日數不足，今個月係收跌月，明日(30/1)期結輪到淡友發威, 淡友加沽, 後市不妙

QQ冇咗回購撐今日逆市下跌具啟示作用, 科指弱雞拉住港股後腿，中國恒大被香港高等法院頒令清盤，影響市場氣氛, 導致港股乏力再進, 衝高回落, 收窄升幅，內地股市弱勢拖累港股

26/1/2024 恒指於萬六爭持

全靠阿爺出手打救，好友奪回主導權，本周港股及上證齊齊收陽收升，下星期係結算周, 以下星期新周波幅計，15829-16255 會爆邊，可能上下兩邊都破，淡友仍未放手，港股連續5日沽空都爆燈，情況極為罕見，看來好淡大鱷正在大撼大

美期反艇觸發港股獲利沽壓湧現, 蟹貨出籠，不過大鱷沽貨止賺後換入其他股份，中港股市氣氛好轉，唔夠貨的股民會趁回吐入貨，低位形成購買力，大鱷就乘機派貨

25/1/2024 恆指連續3日急升，今日收16212, 大升312點，表現亮麗，追貨盤以及淡友走鬼盤扯住港股上山, 不過恆指已由低位反彈近1500點，升勢過急，而且周波幅已超標，短炒好友已夠水位轉身，獲利沽壓湧現，蟹貨亦出籠

港股成交連日增加代表大鱷正在推高派貨，連大媽都走貨，掟埋QQ出街, 港股沽空急增，代表淡友正在部署反擊，明日畫周線，淡友會攔路, 後市港股能走多遠要看好友能否守住今日低位15829

按照慣性走勢月尾6天不會日日升,  目前已經升咗2天，回吐壓力大增, 今日科指升幅明顯跑輸恆指及國指, 具啟示作用