龍年行運財經留言板
2月下旬港股受制於100天線
29/2 周四恆指收16511, 跌25點,連跌兩天
科指本周收升已無懸念,但恆指國指上升乏力,明顯跑輸,不過由於有科指撐腰,港股跌幅不大, 但上證累積龐大升幅,沽壓越來越大,如下周兩會回吐就會拖累港股
每逢轉新月、轉半月或者轉節氣都容易變盤,踏入3月新局以及星期二5/3轉節氣驚蟄,小心淡友出手
呢兩日港股沽空明顯縮減, 可能係淡友擔心3月初兩會阿爺又出招, 加上上證急升57點重上3000水平,所以淡友忍忍手, 可能等再閃上去時才加沽
本周恆指仍在16500穿梭, 但16600及100天線沽壓明顯增加,亦見莊家沽貨減磅,資金開始流走
以周波幅計,下周就要插穿16400來擴大周及月波幅, 大鱷有一個習性,就係當技術派認為16400等技術 大位會有支持,當聚集大量肥牛於其下,就會失驚無神插穿屠牛
今日msci更換成份股推動港股成交急增至$1303億,好友力守16400, 雖然收跌卻呈陽燭,明日輪到恆指季檢調動,相關股份會受影響,成交亦會急增
28/2 周三恆指收16536, 大跌254點
財政預算案燒煙花散場,炒港股的熱錢撤退,資金開始流走,期指結算完好友撐市任務亦結束,16500樓下肥牛已入局待屠,熊在16800之上
按照慣性走勢,未來兩天不應升穿前頂16895, 周五會收16725之下,恆指月尾6天暫時是2升3跌,市況轉弱跌市日數增加
中港股市同方向,上證見頂回落失守3000大關,3月份恆指亦要向16300.16000進發, 向上方面,只要上證重上並站穩3000水平,恆指就可挑戰17000, 明日港股升跌關鍵在msci及恆指季檢成份股調動,以及黑期結算,2月份港股收升已無懸念,明日要畫月線
業績公布期持貨要小心,新地業績見光死,燒煙花爆上80樓上獲利沽壓湧現碌番落山,其他地產股亦是高位一瞬即逝,炒撤辣資金散水, 但 政府放寬樓市政策利好,今日地產股仍能逆市上升
~~~~~
26/2 周一恆指收16634, 跌91點,連跌兩天
港股測市指標出現利淡信號,大市亦超買,以往每當Rsi上60樓上港股沽壓特別大, 通常都係企唔穩碌返落山
大媽密密沽出QQ換馬, QQ與大市同步於23/2見頂回落,QQ上升乏力拉住港股後腿,沽空爆燈,淡友加沽,港股幾時插呢?
向下大位16400.16300.16000,向上阻力: 今日高位16777 以及17000, 如失守16400代表今次升浪結束
阿爺接連出招救市嚇退A股淡友, 過去兩周上證8連升估計係受回補空倉買盤所推動,不過買夠就放軟手腳, 上証連續兩日衝上3000水平都企唔穩, 升勢斷纜, 權重A股反艇拖累相關H股, 內銀內險H股獲利沽壓大增, 中港股市同步,上證落山,港股亦要跟
…………………………
港股跌幅收窄可能係因為有資金轉炒本地 地產股博28/2財爺宣布撤辣, 加上周三期指結算, 好友仍未放手亦有可能係托住來派貨及結算,大鱷咬住16600 係畀 16400-16600 BB牛出世,養肥牛牛撐埋結算就時辰到
港股正處於業績期, 業績股飛天遁地亦會影響市況, 持貨要有兩手準備,恆指已由低位14794反彈逾2100點, 足夠水位畀大鱷轉身, 淡友不斷加沽是後患, 當近日流入港股的熱錢撤退,港股就危
市場觀望周三施政報告以及美國公布個人消費開支物價指數(PCE)、耐用品訂單及製造業指數等多項重要經濟數據
20/2 周二恆指收16247, 升92點
按照港股慣性走勢, 收升月會在 20號之後破頂升穿前頂16408, 後市只要收於其上, 就會500點級級上, 挑戰阻力 16500.17000.....
有炒家偷步入市, 因為新修訂《粵港澳大灣區「跨境理財通」業務試點實施細則》(「理財通2.0」), 2月26日正式生效, 將可供南向通客戶選擇的合資格投資產品數量大幅增加85%
港澳辦主任夏寶龍22/2訪港調研一個星期,市場憧憬或擴大內地旅客自由行, 利好香港股樓經濟, 加上市場亦憧憬28/2財政預算案有望樓減辣, 亦係資金掃入港股的另一個原因
16/2 恆指收16340, 大升395點
以往每當 9RSl 上到60附近港股都會掉頭回落,目前在63, 如果未來一周不斷推升,RSl就會爆燈,撐唔到28/2期結,所以後市跌下彈下,震動上行機會大過一路殺上去,
受救市政策提振,內地股市止跌回升,有阿爺力撐, 所以今次港股升勢比以往強,問題係 樓上蟹貨太多,所以近日大鱷手法都係先震走蟹貨及好友才推升
春節後電動車再掀價格戰
15/2 睇牛熊分布似係大鱷正在養牛熊,等牛一路減少,熊逐步增加,才一路推高大市屠熊, 恆指月波幅未達標, 唔破底就要破頂,後市如能連日收於16000之上,就會破頂挑戰16500
2月初50天線魔咒位在16400附近,大鱷刻意玩跌下彈下,拖慢上升步伐,震住上,目的係畀時間淡友熊熊聚集於50天線樓上,順道消化沽壓, 踢走好友引淡友入局才爆上, 磨咗半個月,50天線已經拉到落16150附近
今個月立春係關鍵月,如果好友想月線收升,等50天線下移比較容易上企,收升月多數在該月下旬創月內高位
4/2立春轉節氣變盤,阿爺加大救市力度,6/2恆指以超大陽燭收升626點,港股抝腰向上,風水佬指龍年係好年,救市政策會陸續出台, 後市如能連日收於16000之上,就會破頂挑戰16500.16800.17000.17200....
周一19/2內地復市(長假期前6-8/2已連續3天急升), 當天轉節氣雨水
市場憧憬28/2 公布2024新《財政預算案》帶來好消息,提振本港投資氣氛
月尾28/2周三期指結算
29/2 MSCl 更換成份股, 1/3恆指季檢調動,兩日成交都會大增,而2月下旬19-29/2相關股份都會受影響
=======
異動日: 周一 19/2, 周三 21/2
匯控 恆生 港交所 新地等多隻成份股3月除息,會於期指反映
4~5/3周一二兩會開幕
今日轉節氣驚蟄, 呢兩日淡友加沽, 驚驚! 要走鬼搬屋喇!
搬去新一頁留言!
睇Jk啲免費片就得啦!佢耐不耐都有免費教學
Soho
爸爸課程~網上勁多負評
話佢會sell 人報佢十多萬嘅課程
課程分好多等級~
話佢勁呃錢
元帥,史哥,我係JK爸粉絲,有睇佢啲片,我會再再再努力💪🏾
門師兄,我基本功失敗,操盤心態失敗.......離場幾日.....心情輕鬆好多 😆🤣
我睇唔通,你地呢?
今早老外大手沽出A股, 上證早市雖然收升,但內地股市下跌股份明顯多過上升股份, 獲利沽壓加劇
近來恆生、新地似乎 有炒除息的買盤,匯控上星期連升多日 ,今早回吐但冇大插亦可能和 7/3除息有關
由於擔心除淨後 好息之徒走貨會拖低股價,我通常會趁除息前炒高就沽貨食胡,唔收息
炒期權 JK爸爸的投資頻道陳立展似乎好得,JK Sir 帶住班 學生炒即市 頻頻報捷,獲利甚豐
雞煲不如轉去跟 JK爸爸啦!
似乎未有方向
20周線攻防線170-164
煲煲妳有冇停一停作賽後檢討,你重復緊個逆向動作,停落黎靜一靜嗰時唔係哭股喪既時候而係抽離買賣主觀再次客觀地判斷形勢 如果好似你咁連續咁錯,咁我覺得唔係落注既時候,係要惡補左的基本功夫先
期權真係好難明
雞煲妺妹~
比妳參考吓
呢位仁兄分析美股超勁 而且超準同客顴~
佢之前係一位兒科醫生~
https://youtu.be/sLZ7eIiqKKY?si=t4RVH0sUXUSA-XfD
最後就係~ Ringo sir 嘅期權教學超唔掂~我有D懷疑佢都可能唔太懂期權嘅運作~
元帥,我啱啱都聽完長氣蛇分析 😆 由上年聽到今年佢不停咁講美股將會大插 😅😤 我就輸足咁多個月 😭 我停手唔沽啦只觀望,個人同個心都舒服好多 🥳 好似星期五晚真係想沽納指 🤭😆 嘩點知大升......你啱丫,無形之手托住 😡😡😡三月應該都係升多過跌,慢慢入返啲正股幫補吓
史哥,我完全無時間掂期權課程 😪😭
試兄,你旅行心情應該超越快啦 😂 我將我嘅精神集中跑返步同計劃我個悠長假期去邊啲國家睇歷史同食食食 😝 心情超興奮,工作擺埋一邊......躺平 ☺️😙
門師兄,點啊你個小本經營?我已經輸突哂,我偷雞28/2 再入多1000沽納指,差啲輸晒而家得返雞碎咁多,停手!
匯控 恆生 港交所 新地等多隻成份股於3月除息,會於期指反映, 但1/3恆指夜期收市只係低水3點, 計埋除淨因素其實係收高水
我有冇理解錯?
雞煲, 淡友低估了Al 及美股牛市的威力, 因而輸到趴街, 上周長氣蛇仍然繼續講小心美股大插, 過去兩個月佢已經不停講, 唉!
~~~~~~~~~~~~~~
soho* 2024/02/22 16:13:02
長氣蛇講左無數次話美股會大插(昨日又講),結果美股只係在高位震盪,一回即彈 仲未死得,皆因美股係牛市,市場對美股有信心 ,見回吐就會有資金入貨, 而且美股總係好似有無形之手睇場
長氣蛇話美股插,結果飛左出外太空,佢差不多日日都話美股到期大插,你聽得多就會受到影響,變成偏向買落唔敢買上,咁就…… 佢不斷重複講免責聲明,明白未?
~~~~~~~~~~~~~~
1/3/2024 8:17 戴爾科技季績優於預期 受惠AI熱潮
<匯港通訊> 美國個人電腦生產商戴爾科技公布,截至2024年2月2日止第4財季,淨利潤為11.58億美元,按年增長91%;每股經調整盈利2.2美元,優於市場預期的1.73美元。
營運總監克拉克(Jeff Clarke)表示,集團是人工智能(AI)熱潮受惠者,旗下伺服器配置AI晶片後功能更加強大,因而受到客戶追捧,期內訂單增長逾40%。戴爾科技股價在市後延長交易時段曾升18%。
已食~
期期
1655x
166推
破day high cut
留意關鍵16635
另外~我不是大淡友~我是看好本月的
因為舊年基金經理輸到怕~所以會在今季做返好
因此~本月先低後高
推?
推~
即日鮮
三月關鍵位为~
16635 17134 17648
16135 15651 15181
留意~14794至今升軌正正是30天均線 約 159 之位
門師兄, 大鱷有一個習性,就係當技術派公認的支持位樓下 聚集大量肥牛,就會失驚無神插穿, 現時唔少分析都認為16200~16400 守得住, 所以有可能隊穿16200屠牛
呢兩日港股沽空明顯縮減, 可能係淡友擔心3月初兩會阿爺又出招, 所以忍忍手,暫時未見恆指插落去16000的催化劑
本來想叫試兄識返個2月29日出世的女仔, 慳返三年生日禮物, 畀聯廣兄提醒, 原來冇得偷雞
你地正經d啦
2月29出生的壽星仔壽星女每4年才大一歲?這看似可笑的傳說原來香港也有法例解決,根據香港法例《成年歲數(有關條文)條例》第5條,「一個人如在閏年2月29日出生,則在閏年以外的其他年份,須以3月1日作為他的生日」。該條例主要為釐清閏日出生人士的有效年齡,避免於訂立合約及立遺囑時出現有效年齡問題,而引起誤會或爭議。
份生日禮物要係28日同1日之間送出
大户兄, 如果有個 bb女今日出世,長大後拍拖,佢個男友就慳番好多份生日禮物,4年一度
4年一次, 打個卡!
今日畫月線,以及msci更換成份股,成交大, 所以好友守住16400 畫陽燭
門師兄, 我冇水晶球,一味靠估,有阿爺救市撐腰,3月不會插穿14794創新低,阿爺出左院港股就不會深潛
你問月低是否16200我未有頭緒,只係知道16400是突破位,係好友第一道防線
上證如能守2900企3000大位的話,恆指就不應插穿16000, 不過3月業績期,如業績欠佳就會拖累大市
上星期港股每日都有資金流入,不過昨日資金開始流走,港股後市 會否碌落山就要看資金會否大舉撤退
去年恆指季波幅2318~3872點,目前(1-2月)季波幅有2341點,只係勉強達標,除非做細季波幅,否則3月想擴大季波幅就只有上破前頂17135
元帥你個水晶球点睇三月? 月低162夠未?
散喇咩?
財政預算案見光死
今日科指破頂創2月新高3547, 但恆指國指破唔到, 拉番大市落山
上證亦創2月新高3031, 但再度企唔穩3000水平, 單日轉向, 與港股同樣倒跌收場
大鱷有一個習性, 就係時辰未到就會力撐唔畀插水, 例如大鱷要等期指結算、財政預算案揭盅, 亦要等上證見頂, 當所有都到位, 殺完淡倉, 大鱷就會縮手唔托市, 由得港股碌落山
所以千祈唔好一直做好友或者一直做淡友, 要炒波幅, 因為每逢轉半月、開新局、轉節氣, 又或者有消息公佈的日子都容易變盤
史哥說得對, 大鱷餐餐都係靠失驚無神抽升挾淡以及無啦啦插水來殺倉, 通常逼死好友就升得, 逼死淡友就插得, 好淡通殺
大鱷係唔會畀股民賺錢, 當升或跌了一段時間, 股民賺到盆滿缽滿, 就會突然轉向, 股民來不及應對就會嘔突盈利
近日我聽多位炒家分析, 當中好友例如長氣蛇就話呢兩日會上17000, 再上望就會見17300.17800, 而淡友就一直企硬唔肯止蝕, 不過到昨日淡友終於止蝕投降, 逼死了淡友, 所以港股今日就反艇, 估計好友都走避不及, 因為港股高開即插
Soho
港女淨係識靠挾淡推升做助力
⋯⋯始終力量不夠
港女始終打破唔到
5週的宿命
元帥
試兄 心大事就小,心小事就大 如果我地身處烏克蘭,你仲有閒情諗呢d咩?
試兄 心大事就小,心小事就大 如果我地身處烏克蘭,你仲有閒情諗呢d咩?
試兄咪扮熟 我只是暫時輸家
三月將至年高仍170-147
門門🤗🤗🤗我同你的友誼。手信會預埋你的🤣🤣🤣
同大家道別
第一日來到這。是因為在一次慘敗的當中。不斷找尋炒股分析
實不相瞞。最近身體出現了毛病。要休息
自律神經失調~~~在早幾日因呼吸困難一度差D要入院。這是焦慮到極點而爆發
我的人格剛好是INFJ~~~你地可以知道情況嚴重
所以股市要永遠離開。要重新學習生活。過正常的生活就是根治的方法。要長時間去改善生活作息。壓力就是病源。我是不能受任何壓力的一類人。一路忍受卻不知不覺因無法釋放而患上重症
感謝大家共處的時光
哈!元帥話跌就跌!
上證企唔穩3000大關,國指轉弱,淡友就有藉口出手, 昨日淡友止蝕斬倉,好友湧入買牛牛就陀衰家
試兄順風玩得開心d
臨別前想問下。點解人仔同港匯仲係甘弱,港匯仲愈來愈弱
28/2半日收市恆指收16745, 跌45點
港股問題在入市資金不足, 大鱷大媽短炒,止賺後就換碼,炒完中資股就炒地產股,而不是全面掃上,
下午夏爺離港,期結已屆尾聲,好友會不會縮手呢?
我執好行李👋🤣聽朝飛
去小住多過去旅行,咩野都囉齊😅日本好多化妝品仲有食物🙈🙈🙈可能回程要加錢送貨🤣🤣🤣
史哥, 周末我仍會外遊, 不過如果股樓好轉, 只要唔插,市場氣氛改善, 周一至周五我會食豪d, 唔會咁慳
Soho
唔好講咁多喇
咁有無刺唔剌激到妳留港消費先~
咁就要睇吓撒辣後
買方力量大還是賣方力量大喇
撤辣怎會冇作用?
地產商及地產經紀就有藉口促銷,其實有準買家一直等鬆綁就買樓, 優才入境計劃班才子 有水有料,都等緊入市,所以撤辣會刺激樓市出現小陽春
穩住樓市 業主心情都會改善, 消費都會手鬆d, 等遲啲美國減息,業主 手頭上會鬆動啲 ,就可以增加消費支出