1月洗倉撤資.港股低處未算低

18/1/2024 周四恆指收15391, 升114點

港股市弱尋底，淡友當道，15500.15000.14500....向下500點級級落，今個月港股每次都係升1日就玩完,  未做過連升,  空軍趁彈上去就加沽, 預示後市會創新低，不過要拖多幾日，因為今個星期(15~19/1)恆指周波幅已達標，所以本周(15~19/1)不會插穿15000，等養肥牛牛，拖到下星期就插得

後市如失守今日低位15183代表淡友再度出手, 一般來說，收跌月會在20號或之後再創月內新低，近來周一例跌，尋底市每周都會有新低，今日港股彈唔起因為大鱷唔想放生好友, 近來周一例跌

＝＝＝＝＝＝＝

17/1/2024  周三恆指收15277, 暴跌589點

老外大手沽出A股拖累港股洗倉式大插,  沽空爆燈高達21.56%, 空軍不斷加沽

＝＝＝＝＝＝＝

16/1/2024 周二恆指收15866, 大跌350點

洗倉撤資潮持續，港股低處未算低，500點級級落，要向15500.15000.14500....進發，肥牛及科指拉住港股落山，沽空繼續爆燈， 空軍見恆指插穿16000後毫無承接力，乘勝追擊，大手加沽，後市不妙

美元及美國十年期債息走高 ，人民幣下跌，資金流不利股市, 失守16000大位，斬倉止蝕盤令大市跌勢加劇

＝＝＝＝＝＝＝

15/1/2024 周一港股沽空爆燈，代表淡友已完成部署，美股今晚假期休市，港股自由行，明日冇皇管，插得！科指已率先創新低，具啟示作用，巨企輪流遭洗倉，今次輪到百度，科指弱拉住港股落山

16000久守必失，大鱷臨危托沽，近日於16200窄幅穿梭扮跌唔落，引咗大量好友入局，要買定棺材，人民幣今年開局以來持續下行，1月上旬只得兩天收升，其餘日子皆跌，係中港股市反艇的主因

＝＝＝＝＝＝

12/1/2024 周五恆指收16244, 跌57點

昨日港股死貓彈完今日繼續落山，尋底市每周都會有新低，下星期會破位而下，要擴大周及月波幅，16000不可能守得住，大量肥牛聚集於15400-16200

＝＝＝＝＝＝

11/1/2024 周四港股上午作出技術性反彈，惟午後 獲利沽壓湧現，蟹貨止蝕盤亦出籠，拖累港股衝高回落，收窄升幅，昨日大媽掃入多隻港股ETF 搏反彈，今日就大手沽貨食胡，後市只要守住今日低位16106代表好友仍未放手，如失守，16000 就危，500點向下級級落

2024年車股危機四伏，比亞迪股價風光不再, 15/1 周一馬丁路德金紀念日，美股假期休市，周一二港股自由行，會有大龍鳳, 持倉要小心，大鱷推高QQ來掩護派貨，唔少股份洗倉式大插

＝＝＝＝＝

8-10/1/2024 恆指連跌7日，於16000邊磨咗3日，沽空收斂，可能等後抽上去再沽過，16000係好淡角力大位，要看淡友會否食胡，好友會否反擊，大媽於10/1掃入多隻港股正向ETF博反彈

上周2-5/1恆指日日跌，按照慣性走勢，本周8-12/1不會日日跌，會有死貓彈，彈完再尋底，去年恆指最長七連跌後都彈高，肥熊下移至16500水平，肥牛在16000之下，以月波幅計，16000未必守得住

5-8/1/2024  2023年尾基金粉飾櫥窗結束後，中港股市洗倉潮愈演愈烈，恆指新年開局日日跌，創1998年以來最長開局跌浪，美國波音飛機出事故拖低股價,  加上內地巨企～資產管理公司中植集團破產引發基金贖回潮, 中港股市大插插，近日空軍不斷加沽累積淡倉，後市不妙

1月份第二周美企業績公布期揭開序幕

4/1/2024 周四恆指收16646, 跌0.43點

大鱷玩點穴養牛熊及托沽，再擇肥而噬，港股連日窄幅波動，貼價牛熊齊齊入局準備打靶，上有16700熊剛出世，下有16600肥牛一路排到落16000，恆指周波幅未達標，仍有下跌空間

人民幣兌美元在岸價收報7.152，跌86點子創逾3星期新低, 新年開局人民幣碌落山，拖累恆指日日跌，底部下移，16500危危乎，QQ企唔穩$300, 拉住港股落山

3/1/2024 周三恆指收16646, 跌142點

淡友出手，港股沽空爆燈，今日港股成交急降，係大龍鳳先兆，持倉要小心，大鱷推高QQ來掩護派貨，唔少股份洗倉式大插，跌幅大過指數，低位缺乏承接力，預示後市不妙

2/1/2024  2023年結基金粉飾櫥窗效應消失，2024年港股開新局，港股先高後低，單日轉向大插插

美元急升重上102水平， 美國十年期債息連日上升 ，拖累人民幣及中港股市急跌，內地股市經濟數據欠佳，老外沽出A股走鬼，上證跌12點收2962, 並非中港股市獨跌，連受熱錢推動創新高的台股亦從高位回落

恆指由11/12低位15972反彈至今日高位17135， 累計上升1163點，已夠水位畀大鱷轉身，好友踢上50天線食胡鬆人，恆指接連失守大位17000及16800, 收16788, 仍有下跌空間, 下一站16500，500點向下級級落

29/12/2023  12月港股通常升1-2日就回吐，向上阻力17100-17300（50及60天線魔咒位), 但年尾基金粉飾櫥窗夾硬托住三連升，恆指年結收17047未必係好事,  會導致沽壓延後至2024新一年開局

有分析指2024年汽車股危，美元低見100.6後反彈，不利明年中港股市開局，人民幣下跌，熱錢來也匆匆，去也匆匆，可能會沽貨鬆人