3/2 急跌急彈力守29000

2021/02/03 21:31:41 網誌分類: 經濟
03 Feb

昨日屠熊今日屠牛, 立春大龍鳳先兆,

3/2 周三恒指收29307, 升58點, 連升3天, 收復10天線

過去三個月科指通常升2~3日就回吐, 只係見過一次連升4日, 計埋今日, 科指已連升3日, 即係科指明日沽壓會大增, 收跌機會大, 今日科指收10125, 今年科指未試過連續兩日收10000之上, 明日危,

美元突破下降軌重上91, 高見91.308, 小心資金流有變會對股市構成壓力, 幸好日圓走弱, 連台日股市近日都轉弱, 大鱷走貨, 所以今日港股大部份時間都係跌市, 只係臨收市夾硬踢高收, 升得好假, 亦係3日升市當中升得最少的一天, 代表上升動力已轉弱, 要回吐釋放沽壓方能再上沖

今日轉節氣立春應收跌, 但臨收市大鱷借傳聞挾阿里淡倉, 港股拗腰倒升未必係好事, 通常連升日數長, 往後就要嘔番出來, 要來的始終會來, 明日見真章,

上証結束兩日升勢, 收3517, 跌16點, 一度低見3508, 升跌股份比例差劣, 1070升 VS 3662跌, 中港股市同步尋底頂, 如上証見頂, 港股亦見頂, 如上証失守3500, 恒指29000就危危乎, 要下試28800水平, 甚至28500, 如能守穩, 就有望升穿昨日高位29511, 向29800進發

今次港股的反彈浪升勢並不全面, 主力靠QQ.美團.京東等幾隻科企推升, 唔少熱炒的科企例如小米.明源雲.中芯.醫渡.車股今次都彈唔起, 有散水味, 亦有唔少指標成份股日日逆市捱沽, 甚至跌穿橫行區, 今日恒指收29307, 但這些指標股今日收市位竟然係上周五(當時收28283)的水平, 代表大鱷係推高大市派貨, 臨危托沽, 散戶見港股連日上升打開逃生門想減磅, 但手上持倉卻冇升過

~~~~~~~~~~~~~~~~~~~~~~~~~~~~~~~~~~~~~~~

成也QQ.敗也QQ

可能係農曆新年效應, 總係覺得今次殺上29000動力不及上次, 成交縮, 買盤弱, 沽壓增加, 可能係上周港股插水令股民有戒心, 科企天價高處不勝寒, 股民可能已重傷成手蟹, 亦有可能係股民走貨收爐, 當然亦係因為大媽收水, QQ見頂, 港股見頂, QQ冇力, 所以港股亦上升乏力, 如QQ下試$720並收於其下, 代表大市轉弱, 淡友反擊中,

今日尾市係靠挾阿里來推高大市, 明日或會作出修正, 因為港股阿里收市價$261不應高過昨晚美國上市的阿里$254.5,

本周連升3天, 未跌過, 以全周不會日日升的慣性走勢來看, 未來兩天一係跌跌, 一係一升一跌, 明日會有大龍鳳, 好友命危, 由低位28259反彈至29511, 升幅1251點, 已符合頭一浸強彈1000~1200點的反彈幅度, 要回氣方能再上沖, 要假設港股於1/2低見28382已見底, 正處於尋頂勢頭, 如有回吐, 只要守住28800及28500, 就會再挑戰29800~30000來擴大月波幅

如今才是月初, 斷估好友也不肯花太多子彈一直守住29000, 而且牛牛正不斷上移, 可以玩好淡通殺, 美元走強上企91或會掀起拆倉潮, 好友亦不敢太進取, 老外今早沽A股, 下午才入貨, 當老外大手沽貨, 中港股市就會有壓力, 由於中港下周有農曆新年長假期, 要小心未來一周老外及大媽會沽貨套現, 因為近來大媽股成交往往佔股份的50~70%, 假如冇左大媽條水喉點算? 淡友或會趁機出手

今日北水流入明顯少過周一二, 所以港股冇乜力水, 滬深大媽近日買QQ資金縮減, 所以QQ氣勢亦減弱, 未來三天係大媽買賣港股的最後機會, 如果大媽想農曆年長假期前套現/止賺, 大媽股就會見壓力, 近來弱雞的平保業績後會否見光死, 明日見真章

~~~~~~~~~~~~~~~~~~~~~~~~~~~~~~~~~~~~~~~

2月首周好友大勝.惟淡友正部署反擊

於尋頂勢頭中不應出現連跌, 如出現連續兩日大跌, 或者單日收跌超過200點, 就係見頂訊號, 不進則退, 如未能上破29500阻力位, 以近來300~700點日波幅計, 29000就危, 要下試28800甚至28500水平, 一般來說, 周初急升, 近周末淡友就會反擊, 今日沽空突然急增至14.01%, 已發出警號, 今個星期港股一路升, 沽空金額就一路增加, 淡友本周輸到嘔白泡, 看來淡友正部署反擊, 輸少一蚊得一蚊

本周由好友主導大市, 無論淡友點反擊, 全周收升已無懸念, 期指未平倉合約大幅減少, 未知是好友抑或淡友食胡

今日略為插穿29000低見28967屠牛, 亦已全數回補昨日的上升裂口28982~29198, 目前牛熊分布係牛多熊少, 下殺危機未除, 唔少優質股都見強大沽壓, 本周恒指高低位28382~29511, 周波幅1129點, 由於本周波幅已達標, 其實本周唔破頂都得, 可以留番下星期才踢上去, 玩下回吐食牛扒先

美股近日炒業績, 昨晚納指靚仔, 推高本港科企, 今日美期續升, 帶動港股及亞太區股市造好, 大鱷一陽指好犀利, 玩點穴養牛熊, 殺完貼價牛即彈, 小幅收升, 全日在29000穿梭, 港股升跌由大鱷話事,

最新回應

水滴石穿
水滴石穿 2021/03/06
@soho*...

中國應不會放水,放水等於替美國買單

最困難時機已過,最近高層強調的一直是防範金融風險泡沫

GDP不是保6,各國際金融組織預測中國增長8-9。6是一個保守目標,不需要放水也可以實現。

試下學下
試下學下 2021/03/06

降準🧐🧐🧐好似好耐無做過,翻查下先,但上證張圖未破哂平均線,政策做市好似等大插插先

不過是大成數,公布左保6。跟住就快美國又議息,吾再加大放水都會視為一收水訊號,過去多年慣性都係西收東放,反之亦言

疫情開始美金狂印,丫爺就收水抽緊,而家倒轉姐

美股犀利又大反彈🐊🐊🐊,過夜真係玩到你謝

兩會開始跌,甘下星期開完係咪升呢🤔🤔🤔

soho*
soho* 2021/03/06

熊QQ時機已過, 日前我唱淡$723時就得, 如今插到落大位$680, 大媽會出手護盤

我想牛阿爸, 熊小米, 等我周末再諗下先

今日有股份已經跟住兩會言論來炒上

soho*
soho* 2021/03/05

揀定心儀股份, 等下個星期出現震盪就落雨購物