車站展示施工出土文物 宋皇臺站抬頭賞宋代古井
2021/06/10 04:12:33 網誌分類: 生活
宋皇臺站車站大堂設有兩個展櫃，展示出土文物，通車當日市民就可以睇到。同時，為咗彈性處理，港鐵將一個宋元時代嘅古井同連接的引水槽，喺車站上方原址重置，而車站大堂部份頂蓋將換成透明底板，方便大家喺車站大堂觀賞古井。
港鐵話，宋皇臺站月台用咗泥土黃色，象徵宋皇臺嘅帝王歷史，而一號月台三號車門對出會展出藝術品，名為《大地陶詞》，由本地陶藝家黃麗貞創作，佢用當代手法呈現宋代美學，利用陶瓷浮雕，重新詮釋宋代嘅畫作，展示季節更替同日夜輪轉嘅美景，以陶瓷塑造日與夜、春季與冬季嘅景象，點綴月台柱身。至於土瓜灣站，會展出藝術家梁美萍嘅作品《家》，透過逾百位土瓜灣街坊分享嘅個人物品，講述土瓜灣嘅故事。
Kelly Chu
■宋皇臺站大堂部份頂蓋設透明底板，方便乘客觀賞古井。
■宋皇臺站月台用泥土黃色，象徵宋皇臺帝王歷史。
回應 (0)
我要發表