「威威水地帶」超級打卡點 水柱傾瀉影相好過癮
2021/09/15 04:12:32 網誌分類: 生活
水上樂園定於本月二十一日正式開幕，好多人期待入內尋刺激。園內設五大主題遊玩區域，合共有二十七個室內及戶外玩樂設施，係亞洲首個兼唯一一個全年、全天候開放嘅臨海水上樂園！有朋友試玩過後話，「威威水地帶」係一個啱小朋友玩嘅設施，內有一個超級打卡點，只要叫小朋友企好，後面上方就有個出水口，大水會喺短時間內噴出，好似山洪暴發咁嘅場面，非常狀觀，而小朋友被大水照頭淋一刻，亦笑個不停，最啱大人幫佢哋影低開心嘅一刻。朋友話呢度有兩條水梯都好刺激，大家去打卡，記住着沙灘鞋，仲要帶電話袋防水，真係好建議，小妹已急不及待去買飛了。
Kelly Chu
■小朋友被大水照頭淋一刻，好開心擺pose影相。
回應 (0)
我要發表