保命招

而家D人當條命賤過泥, 郁吓就自殺ｏ有個九歲細路女, 考試差咗小小, 居然就跳樓自殺死佐, 又有個22歲中大音樂系學生, 同老父爭執又跳樓, 令黃SIR不勝唏噓, D大人都唔知點教D細路嘅ｏ

自殺真係好死蠢的行為ｏ

歷史上有個西楚霸王項羽就係打敗仗, 自殺咗！被人笑佐幾千年ｏ

有詩為証:

勝敗兵家事不奇, 吞羞忍辱是男兒, 江東兒女多才俊, 捲士重來未可知ｏ

你地睇吓任何一個大英雄, 點艱難都唔肯死, 劉邦就係咁才可以建立漢朝, 劉備又係屢敗屢戰, 近代毛澤東又係, 幾艱難都撐落去, 先至會成就一番大事業ｏ边有郁吓就走鬼佐去自殺嫁！條命仔得一條ｏ死左就講乜都冇用啦！

以前五六十年代, 生活甚艱難, 自殺率都冇而家咁高, 而家郁吓就有人自殺, 十分費解ｏ

其實而家又有公援, 又有社工求助, 都唔知點解仲有咁多人求死溉？照計求生易過求死格？

認真難明？

朋友, 點都唔駛死嘅！知冇？