旺角站打到彩虹站 港鐵騎呢客 車廂大打四方城
2021/10/22 04:12:14 網誌分類: 生活
影片中，四位男乘客喺港鐵車廂中「開枱」打牌，各人好投入，旁若無人，其中一人不時大聲問：「幾時可以碰？」「呢個可以上喎！」。只見車廂中間放置咗一張麻雀枱，兩邊座位皆冇人坐，四子聚精會神地打牌，當中有人踎地下，有同行者幫四子拍片。
港鐵指，留意到有關影片後即時展開調查，相信事件發生於十月十三日傍晚，當時五名男乘客於觀塘線旺角站登上一列往調景嶺方向列車，喺車廂內打開一張摺枱及打麻將，其後喺彩虹站下車。
港鐵附例：不得滋擾其他乘客
港鐵補充，暫時未接獲相關投訴，指有關行為是否觸犯港鐵附例，不能一概而論，視乎實際情況。不過，港鐵附例第二十五條或可作為參考，該條例列明乘客不得作出對其他乘客造成滋擾的行為；違例人士最高可被罰款五千元。
港鐵強調，希望藉此機會呼籲乘客為己為人，保持車廂通道暢通，同時保持舒適的乘車環境，不應作出任何有可能滋擾其他乘客的行為，若有乘客遇到類似情況或覺得被滋擾，可聯絡車站職員以便作適切跟進。
該短片瘋傳後，引來網民熱烈討論。有人笑言當日是玩行為藝術。Kelly就好欣賞，可以打到夜啲，到站到返屋企，超方便。
Kelly Chu
回應 (0)
我要發表