樂觀性格 3

有D人的性格, 就同杞人憂天剛剛相反, 屬於天跌落泥就當被冚果類ｏ

佢就真係天不怕, 地不怕, 絕對相信天無絕人之路, 船到橋頭就自然會直的道理ｏ人到絕處就自自然然可以逢生（你唔信就自已想吓, 你有边次嘅困難搞到你要死嫁, 除非你自已自殺, 如果真係死鬼咗, 你仲會係度聽我吹水咩！即次次都唔死得啦, 咁又駛乜驚呢？吓？）, 正是山窮水盡疑無路, 柳暗花明又一邨ｏ

最好是, 今朝有酒就今朝醉, 明日愁來就明日當ｏ

呢D就係正宗樂觀性格ｏ

有D所謂什么專家勸人又呢又路, 通常當事人出咗事都煩到要死., 鬼會聽你講耶蘇咩？

等黄SIR教你一招天下無敵的招數啦, 你將你的困難, 用張紙寫低佢, 放入個鞋盒內, 就去大覺瞓！（冇壞格, 瞓得是福ｏ 心理平衡, 實瞓得嘅ｏ失眠就大劑D, 要揾医生, 黃SIR就冇計！）

過得一頭两個月, 或者三 五 七年, 事過境遷之後, 再打開個盒, 攞番出泥睇吓,你會覺得你當時的擔心！ 嬲怒！自憐自怨！ 係幾咁無謂ｏ

根本上你一D都唔擔心, 一D都唔嬲, 一D都唔上心, 日子一樣係咁過ｏ,

所以係咪樂觀好過悲觀好多呢？吓？

人地樂觀D人就日日開開心心, 你悲觀D人日日就愁眉苦面（最惨係於事無補！）ｏ

唉！你自己揀嘞！