10月下旬 股匯債政經起風雲
港股結算前夕捱沽,科指三連升沽壓湧現
27/10 周四恆指收15428, 升110點,連升兩天
今日大鱷玩挾淡,恆指高見15833才回落, 股災市炒反彈通常係一兩日貨仔,就算指數夾硬升,其實唔少股份已倒下, 呢幾日係公布業績高峰期,持倉真係要小心, 今日見多隻業績股已偷步碌落山,好友牛牛命危, 上證連續四日收3000之下,茅台連跌9日,內地股市證實死亡
由7月起,科指最長三連升,今日已達標,彈上去打開逃生門沽壓隨即湧現,港股死貓彈完,高開低走,股災市彈散易,股民爭相走貨,港股升幅收窄呈大陰燭,不過好友力撐,部署明日結算位
美元止跌回升, 重上110.5水平,昨日人民幣飛天彈高高,今日又跌過,人民幣兌美元在岸價收報7.2081,大跌256點子, 美科企業績差,資金沽納指換碼道指,拖累港科企衝高回落
港股QQ下殺危機未除,牛在15400, 熊在15800, 好友力撐15400附近結算,明日港股食粥食飯睇阿爺
咁早唔識估11月乜料,只係覺得
~ QQ會再下試$200的支持力
~ 上證處於3000大位之下,港股不會好
~ 人民幣於7.15附近遊走的話,利淡中港股市
26/10 周三恆指收15317, 升152點
恆指結束五連跌, 好淡通殺
~ 11月初聯儲局議息前的緘默期, 聯儲局班走狗冇得放鷹,美元回落,利好新興市場股匯債,今日連台股都升
~ 匯債形勢持續改善, 美元插穿110水平, 美元及美國十年期債息雙雙回落,由於債息仍高企,美股出現沽納指換碼道指,科企壓力大,QQ $200仍危
~ 人民幣破7.3警界線, 觸動阿爺神經, 終於出手撐人仔, 人民幣兌美元在岸價收報7.1825,升1260點子(1.72%),創2005年7月匯改以來最大升幅
~ 近來美股強,港股弱,如今美股超買回落,美期急跌,反而令港股有喘息的機會,不過今個月由淡友主導大市,向上阻力重重,沽壓未除,15800-16000會見阻力
聰明資金轉場炒, 昨日已說老外連續6日狂沽A股,但昨日突然變臉掃入A股 ,今日 繼續掃A股,可能資金流有變,美股貴,中港股市價殘,大鱷乘機來中港股市短炒
見升市也不要太心紅, 資金流出中港股市,熊市升勢不會持久,港股連升獲利沽壓會湧現,趁打開逃生門就要減磅
~ 月尾通常係好淡通殺,所以仍有望再上15500, 挑戰15800-16000阻力大位, 如打回頭又要再尋底, 只要上證企3000之下, 恆指就會受制於16000
~ 港股今日底頂上移, 扭轉過去幾日底頂下移的尋底模式
~ 連跌斷纜利好, 靜候死貓彈,不過港股通常升1-2天,最長3天就會再跌過
~ 恆指月尾升市日數未達標, 不會只升一天, 後日期指結算, 明日要部署結算位
~ 全城看淡, 好友斬倉止蝕走鬼, 熊多牛少(47%:53%), 大鱷或會乘機挾淡
~ 美期急跌, 弱勢的港股竟然唔跟跌, 預示明日會伸多一腳上去
~ 港股連續三日成交都超過$1300億, 反映15000好淡爭持, 今日冇破底, 國指科指QQ連升, 代表有買盤進場, 可能係博死貓,又或者空軍推上去加沽
~ 今日16100熊熊大手加倉, 可惜太遠食唔到,大鱷 或者想震走佢哋才落山
~ 沽空縮減, 有淡友食胡平空倉
~ 市傳二十大確認最新領導班子, 外資唔收貨, 下令清倉, 導致中港股市大成交大陰燭股災式暴跌
~ 基金經理 對港股死心, 仍看淡後市,空軍趁反彈又加沽,主力針對科企
~ 港股公布業績高峰期, 有四十多隻股份交成績表, 小心見光死, 持貨要睇路
~ 與樓按相關的1個月 港元拆息連升11日,再創14年新高, 利淡息口敏感股
港股續創新低,連跌5天超賣
25/10 周二恆指收15165, 跌15點
匯債形勢改善, 辛偉誠成為英國新任首相, 市場風險情緒改善, 英鎊兌美元反彈至近6周高位,美元跌至3周低位, 美元及美國十年期債息雙雙回落, 有空軍見插穿15000食胡平空倉,不過見彈上15435再加沽, 幸好沽空略為縮減至15.1%
大媽日日掃入QQ, 連QQ好友段永平都在adr 入貨, QQ見$198.6的五年多低位隨即見空軍食胡, QQ低開高收,單日轉向,不過仍有地產等多隻指標股慘遭洗倉, 反映港股沽壓未除
國指科指成功收升,但恆指收跌,仍未用本周升市額度,現水平做淡再沽有風險, 按照慣性走勢 恆指尚欠一彈,希望在明天!
人民幣連跌5日,收7.3085, 大跌475點子,近15年新低, 弱到不得了, 不過連續6日 大舉沽出A股的老外今日變臉掃入A股, 美市時段美元果然跌穿111水平
今日滙豐公布業績見光死, 未來三日係公布業績高峰期, 有四十多隻股份交成績表,小心見光死, 持貨要睇路
今次股災, 無論基金經理抑或散戶都輸到趴街, 就算博反彈都係玩快閃, 上周梁燈神大舉入貨博反彈, 中伏了, 呢兩日都止蝕減倉, 插穿16000直落地獄, 斬倉走鬼盤湧現, 通常全城看淡走貨就彈得
昨晚美股又飛天, 但在美上市中概股大成交洗倉式暴跌10-25%, 港股竟然冇跟跌, 仲高開, 恆指更衝上15435, 可能係好友推上去逃命,又或者空軍推高來加沽
本周五(28/10)期指結算, 希望好友守住15000甚至15500樓上來結算, 近來恆指每星期升1-2天, 等反彈, 好友正部署反擊, 上證在3000穿梭, 等阿爺救市
24/10 周一恆指收15180, 急挫1030點
港股恐慌性拋售, 洗倉式暴跌, 低處未算低
今日港股潛行凶間,仍未有見底跡象,跌穿16000大位向下又一千點, 恆指低見15082, 要看會否咬住15000樓上來結算
基金經理上半年閒閒地輸30-50%, 下半年更加輸鑊甘, 今日呢棍千點直插心臟, 輸到嘔白泡, 紛紛舉手投降, 斬斬斬, 對港股死心喇!
市場已經有分析提及金融海嘯的低位10676 , 但仍然有股民 博超賣技術性反彈,飛撲入市掃入炸彈股QQ及阿里等科企, 不過恆指月波幅已超標,但周波幅未達標,希望下破15000後彈番上去, 本周五期指結算, 希望好友出下力
今日死了逾6000張牛牛,好友仍死心不息,紛紛博反彈,14500-15100有牛約4000張
上周五美股爆升,港股今日卻低開低走,反映本港資金流走, 熱錢湧向美股,所以港股冇跟美股升,美股愈強,港股愈弱, 美股自從13/10見底28660後愈升愈有, 可能係8/11美國中期選舉做勢效應, 日前已說美股大鱷部署挾淡倉
今日港股死因:
~ 恆指大幅低開後續瀉, 跌至雙頂量度跌幅15833卻不見承接力, 過去幾周於16000-18000入貨的股民止蝕斬倉走鬼, 令大市跌勢加劇,15500好友入場博反彈即死, 低見15082
~ 中共二十大會議22/10閉幕, 股市維穩結束,市場憂慮新領導班子重國安、輕經濟, 共同富裕, 皆不利企業投資發展,外資對中國經濟及企業前景失去信心,紛紛沽貨
~ 人民幣兌美元在岸價收報7.2494,跌116點子,創2008年1月11日以來新低,連跌4日
~ 上午內地公布大量經濟數據
~ 南北韓開火
~ 中國新領導班子反映幾年內或會武統台灣, 嚇到外資沽貨撤退
~ 美軍首度在日本自衛隊基地部署MQ-9死神無人機部隊
~ 市傳美國納斯達克剎停小型中國公司上市,並調查股價急升暴跌的原因
~ 老外連續6日大舉沽出A股走鬼
~ 過去幾周於16000-18000入博反彈的好友斬倉止蝕
~ 股災引發基金贖回
~ 美元強勢,資金回流美國, 有分析指美元劍指118-120
~ 本港拆息上揚, 與樓按相關的1個月期拆息連升9日,報3.01685厘,創2008年10月底以來即近14年新高, 本地地產股捱沽
21/10 周五恆指收16211, 跌69點 ,連跌3天
~ 下星期五期指結算,下星期一 24/10係異動日,如果唔升就會大插,美國十年期債息上破4.2%, 不利科企, 有位非常資深的分析師說阿里有炸彈在身,不宜炒
~ QQ 今日破底創新低見$230.2,但港股卻沒有跟隨破底,不過空軍 繼續積極做淡,沽空高達21.79%($205億),空軍主力針對科企, QQ能否守住$230 非常關鍵,如失,就要下試$225. $200......
~ 今日恆指高開51點, 今個月恆指慣性走勢係高開就會高收,只得一次例外,正路今日應收升, 但周末沽壓效應下,恆指卻打破慣性走勢收跌, 應升不升需防跌
~ 今次股災港股每周多數只升1天, 但本周恆指升2天, 國指更升了3天, 連弱雞的工中建行都見資金流入, 可能係淡友平空倉的買盤
~ 恆指今日 即市波幅急降, 創兩個星期以來最細即市波幅,係大龍鳳先兆, 牛在16200, 熊在16500, 下周上落都有得開餐, 近來恆指每周都有新低, 16000超級超級關鍵大位如果守唔住, 就要見15500.15000
過去三周恆指高低位不斷下移, 尋底格, 雙頂量度跌幅可見15833, 如做一萬點年波幅可見15000:
16010-16923
16389-17449
16907-18164
~ 唔通畀元帥烏鴉口講中?史哥的158XX提早今年第四季見?呢幾個月於16500-20500 入貨的股民都輸死了,大鱷托住大市來派貨,站站停,引咗唔少股民入局, 低處未算低,全民皆艇
~ 今個星期恆指已做夠周波幅912點,今日冇必要破底,所以點穴來養牛熊, 等下周才爆邊做新的周波幅,以及擴大月波幅
~ 早前說國壽失守$10大位 係強烈利淡信號, 好友唔睇場守住關鍵整數大位代表港股有災, 息口敏感的 公用板塊連續兩日大跌, 港鐵領展慘遭洗倉,領展暴跌$2.4(- 4.7%), 失守$50, 收報$48.6
~ 今日港股收市升跌幅度不大,但多隻指標股跌幅遠遠多過指數, 托住指數嚟洗倉
~ 如果倉底有貨, 有做淡來對沖還好, 冇做就硬食跌幅, 有分析師說倉底持有的正股已做對沖, 如今賺突了, 不但冇損失, 還有盈利,
~ 內地股市今日結算,上證收市升4點,報3039, 結束三連跌,老外連續5日沽出A股,但上證力守3000大關,是二十大的威力嗎? 會議後又如何?
~ 受二十大會議影響, 內地延遲公布經濟數據,下周才揭盅, 公布經濟數據股市必定會大幅波動
~~~~~~
美股強、港股弱
~ 美股由9月中起跌市日數遠遠多過升市日數,不過由10月中起,升市日數增加, 港股升跌日數走勢模式似美股,但彈力弱過美股, 皆因本港走資,熱錢回流美國
~ 人民幣兌美元在岸價收報7.2494,跌117點子,創逾14年半最低, 人仔弱,中港股市冇運行
~ 11月8日美國中期大選前死老鬼登登搏命出招打壓中國,美國據報研將量子計算和 AI 納入對華科技禁令
~ 多間大型科技股包括蘋果、亞馬遜、Meta及Alphabet 等下周公布季績
~ 13/10 美股 大奇蹟日道指升827點, 低見28661, 低開高收,單日轉向, 踏入10月下旬, 臨近11月8日美國中期選舉, 拜登可能會出手維穩股市
~ 港股周線雖然連跌兩個星期,不過 跌勢放緩,皆因美股已出院, 下周港股表現要看上證,以及20大會議 最新政治形勢
今晚美期結算,近來美股走勢明顯好轉, 道指自從13/10 見底28661大奇蹟日倒升, 17/10重上30000水平就一直咬住唔放, 上攻 31000,道指連升三周,美股大鱷部署挾淡
~ 10月份股災式下跌, 殺跌後陸續見空軍平倉手影,推動指數抝腰向上,道指13/10創10月低位28661, 上證12/10 低見2934, 恆指20/10低見16010, 國指低見5413, 科指低見3042
中港美股市好明顯港股最弱, 中美股市止跌回升,但港股卻繼續尋底,以往收跌月到 月尾就會急挫來擴大月波幅
港股 10月收跌已無懸念,20號之後係創月內低位的時間窗口,有基金經理睇今次熊市會見15000
20/10 周四恆指收16280, 跌231點
港股創逾13年新低,科企捱沽累街坊
美國10年期債息續升,上破4.1%, 創2008年以來新高, 在美上市中概股遭洗倉,暴跌5-10%, 拖累港股 大插,恆指低見16010,最後傳出內地放寬 防疫措施,好友乘機出手, 港股急彈收窄跌幅, 問心講,就算阿爺玩 2+5又如何? 美元、債息、通脹都不會因此而改變, 中港股市最多好似食咗偉哥咁,威一陣就會軟番
人民幣兌美元在岸價收報7.2377,跌135點子,人仔弱雞,老外連續4日沽出A股, 幸好今個星期二十大會議,無形之手力撐上證 3000大關, 上證急跌急彈,收窄跌幅,港股跌幅亦跟隨收窄, 守住16000超級超級關鍵大位, 如跌穿,向下無險可守,15500.15000....
諗唔明點解呢幾日 大媽大手掃入QQ及美團,但港股仍大插, 不過插埋今日呢棍低見16010,恆指周波幅912點已進入達標範圍, 大鱷忍忍手,要預留下周的下跌空間
早前元帥推斷16200係大淡友食胡位,今日終於 低見16010,見淡友平空倉手影, 不過高見16453空軍再加沽, 反映16000 係好淡大鱷火拼的大位, 今日港股成交急增至$1268億, 又洗倉
下周二滙豐及周三平安公布業績, 周三四五有數十隻股份公布業績, 小心見光死
~~~~~~~~~~~~~~~~~~~~~~~~
科企災
今次科企股災我冇中伏,因為 我一直唔鍾意炒科企,冇盈利嘅企業 總係炒得唔放心, 超高市盈率只係市況向好時才熱炒,不過我有炒科指正向及反向 ETF
以前有炒過阿里, 但蘇師傅 說阿里陰氣重,炒佢易輸難贏, 所以依家冇炒阿里, 但偶爾會炒 QQ即日鮮快閃
股民的心態係,當炒過某隻股票 例如科企,賺過就會心思思, 當股價大跌,就會覺得好吸引,因而入貨 ,中伏了,因為低處未算低
19/10 周三恆指收16511, 大跌403點, 後市不妙
港股洗倉式暴跌,結束三連升,大舉屠牛
港股三大指數大插, 嘔凸昨日升幅, 釋出強烈利淡信號 皆因
~ 美元急彈,人民幣兌美元在岸價收報7.2242,大跌290點子,創3周新低, 人仔弱雞,中港股市冇運行
~ 上證低開低走,一跌到尾,收市跌36點,報3044, 以全日最低位收市, 皆因老外連續3日沽出A股,上證受制於3100, 恆指亦於17000受阻而回
~中港美三地股市通常係同步見底頂, 當中美股市見頂,港股就要落山,要破底來擴大周及月波幅
~ 美國十年期債息走高,連日收4%之上,最新已上破4.1%, 息口敏感的科企急挫拖低大市
~ 美元略為插穿112後止跌回升,重上113水平,怪不得多國股市都反艇
~ 早前空軍於現貨16308(期指16134)食胡, 今日趁港股反彈高位又再加沽,期指未平倉合約凈數大幅增加
~ 今日港股暴跌, 確認周一見短底反彈已結束,繼續尋底屠牛之旅,肥牛在16000-16500, 要買定官才
~ 港交所公布業績後見光死
~~~~~~~~~~~~
~恆指連升3日,引晒好友入局就會破底,過去幾日入貨博反彈的股民多數睇17000-17200之上,看來又要坐艇,元帥唔大貪,睇16800-17000, 所以昨日及今早上破16900好倉已食胡,反手做淡博破底
~ 今日恆指國指創10月下旬高位後掉頭大插, 確認變盤,通常轉月,轉半月,以及有財經大事, 股市都會有異動,今早特首李家超公布《施政報告》, 減辣力度遠遜預期,本地 地產股見光死
~ 港股沽壓沉重,連大媽掃入QQ及美團都撐唔起港股,QQ收$245之下,港股危矣!
~ 昨日恆指國指以全日最高位收市,今日卻以接近全日最低位收市, 兩次都係等貼價牛熊出世就殺,好淡通殺
~ 唔少股份貨入散戶手,全城皆艇,所以港股彈散,大鱷唔想推得太高俾散戶蟹貨鬆綁
~體育板塊及科企見洗倉,比亞迪臨危托沽
18/10 周二恆指收16914, 大升301點,連升3天
~ 港美股市報復性反彈,美股炒業績
~ 恆指國指以全日最高位收市, 以收市U盤最高位收市,通常翌日 開市初段沽壓特別大
~ 牛熊分布出現罕有的熊略為多過牛,不過16400-16600 BB 牛剛出世,16000-16400有超肥牛, 會拉住港股後腿,後市如升穿今日高位16912但無法上破17000, 就要下試16500.16300.16000.15500.15000....
~美股本周五期結,昨晚美股乾升成交縮,今日美期急升,好友借勢推高港股殺淡
~ 內地股市率先腳軟,具啟示作用,上證先高後低,單日轉向,收跌4點,報3081, 皆因老外連續兩日沽出A股,如上證受制於3100, 恆指亦會於17000受阻, 中港美三地股市通常係同步見底頂
~ 上證由8/7起周線未做過連升兩個星期, 代表3072仍未企穩, 如上證再度失守3050不妙,港股就要再插穿16500
~ 今日港股雖然彈高,但沽空卻增加, 係港股的計時炸彈,空軍針對QQ、匯控、京東、美團、比亞迪,持貨要小心
~今日屠熊,挾淡味濃,向上阻力16800-17000, 17200,10天線阻力大
~ 恆指已連升3天, 過去幾個月最長連升3-4天就回吐,明日沽壓到,小心升勢斷纜
~美元連日下跌, 失守112水平,但美國十年期債息走高,連日收4%之上,利淡,小心科企回吐拖低大市
~ QQ進入績前靜默期(blackout period),17/10已停止回購, QQ少咗回購水喉撐, $250 仍未企穩, 下殺危機未除, 今日收$254.4, 如收$250之下不妙
~ 明早新特首公布施政報告, 市場憧憬會減辣,本地地產股上周已偷步炒上,呢兩日於高位見派貨手影, 可能擔心見光死
~今日港股收市位為 11/10 以來最高,貼價熊陣亡,牛牛上移,具吸引力
~ 今日港股急升,已解決了超賣
~多位基金經理及分析師認為今次只係技術性反彈,熊市大底仍未見,彈完就要繼續尋底
~ 美元走低,推動人民幣收升98點子,收7.1952, 結束三連跌
============
好友反擊,港股連升兩天,部署屠熊
17/10 周一恆指收16613, 升25點
元帥做淡於今日上午插穿16400已食胡,因為
~ 今早已提醒大家,上周五美股大插,但 vix 恐慌指數 冇大升,上次出現呢個情形美股都會急彈,市場憧憬施政報告為樓市帶來好消息~「撤辣」, 所以做淡要避風頭
~ 多家內地大型基金掃貨撐A股,上周四恆指插穿16400, 大媽連日大手掃港股, 我個 疊水親戚開始建倉,反映插穿16500具吸引力
~ 望到頸都長, 終於等到阿爺救市,我唔會和阿爺對著幹, 做淡收手買上博反彈
~ 16/10召開二十大會議,為期一周,內地基金出手撐市,今日內地股市低開高收,單日轉向,似係阿爺的維穩盤
~散戶死心指標,上次網友出現呢種心態就係股市向好先兆
~由9月起,恆指未做過連升,但今次卻連升兩天,打破慣性走勢,係好友反擊信號
~ 今日期指未平倉合約淨數縮減,近日頻頻見淡友食胡, 上周四夜期低見16134 ,今日恆指現貨破底 見16308,但期指冇破底 ,反映上周插穿16500後有淡友 陸續食胡, 所以港股呢兩日冇大幅直插
~ 早前曾推算今年上半年做空的大淡友會在17200/16200食胡,如今已到目標,所以近日不斷見淡友平空倉手影
~~~~~~~~~~
~ 上周五係轉勢日,我唔信,我認為本周會創新低,結果今日破底, 低見16308,非常接近元帥所說好友會力守的16000超級關鍵大位,有淡友食胡
~ 恆指今日收陽收升, 結束七連陰, 反映淡友擔心二十大阿爺救市
~ 上周三(12/10)上證重上3000水平, 其後日日底頂上移,亦連續兩日收3050之上, 中港股市通常係同步尋底頂 ,上證於上星期早已見底,港股亦不應深潛
大媽於上證見底翌日開始日日大手掃入 港股, 美股亦同樣於13/10抝腰向上, 絕不會是巧合, 所以日前港股隊穿16500,元帥說呢浸已跌到水尾
~如上證仍受制於3100, 恆指亦會受制於17000, 反彈阻力16800-17000,再向上17200
~ 通常轉月,轉半月,以及有財經大事, 股市都會有異動,本周已踏入 10月下旬, 今日17 /10創新低, 符合慣性走勢, 一插即彈
~ 13/10 美股 大奇蹟日道指升827點, 低開高收,單日轉向, 踏入10月下旬, 臨近11月8日美國中期選舉, 拜登可能會出手維穩股市
~ 上周五港股彈散,收窄升幅,唔少好友都心碎, 紛紛止蝕,大鱷成功震走好友,引淡友加注
~ 過去兩日大鱷壓住大市俾貼價熊出世, 熊仔巳大幅下移至16800水平
~ 由7月起 的三個多月,只得兩個星期一收升,今日收跌機會大, 但最終恆指卻收升,打破慣性走勢, 係利好信號
~ 美元受制於114急跌至112水平,美國十年期債息企唔穩4%回落
~ 港股沽空再度增加, 老外 大手沽出A股
~~~~~~~~~~~~~~~~~~~~~~~~~~
14/10 轉勢日 ??? 信者失救
Al 曾預告上周五14/10 係轉勢日, 以前我都質疑過何謂轉勢, 稱得上係勢即係轉大方向, 彈少少又再碌落山點計數先? 所以我係收市總結寫14/10係異動日, 就係唔想誤導網友
好了,講完轉勢日就講轉勢月, Al曾預告9月係轉勢月, 結果呢?9月創新低,10月繼續破底,即係Al預測 又衰左, 9月並非轉勢月,觸底抝腰向上並沒有出現, 如果信Al的預測,9月入貨買上就死得
都話唔好信 Al 叫買上, 已多次說現時操控港股的大鱷非常奸險,連 Al 炒股軟件都騙倒, RSI MACD 都畫圖呃技術派
有位資深王牌分析師及風水佬月初齊聲叫好,話恆指8/10寒露後會升2000點,結果跌了近2000點
自動化程式交易、戰勝人性弱點: 散炒港股點夠大鱷鬥, 佢係用電腦來操盤, Al分析, 一到價就出入貨, 連衍生工具買賣都係自動化,導致大市急升急跌, 散呢? 人腦分析,人手操盤,手腳慢, 諗一陣先, 睇定d先, 睇多一日過夜先, 死得啦!
上星期五上午淡友縮手, 不過下午又加沽, 結果今日港股再創新低 ,近來兩次踢上17000形態同樣係倒V形, 高位一瞬即逝, 大鱷唔俾機會好友牛牛食胡,唔俾時間股民開淡, 大鱷推上去又加沽
##################
港股衝高回落,收窄升幅呈陰燭
14/10 周五恆指收16587, 升198點, 結束六連跌
~ QQ 雖然反彈,惟收$250之下,非常疲弱,或要下試$240.$225, 科企、賭股、金融股見明顯加沽,港股後市不妙
~ 由7月起 的三個多月,只得兩個星期一收升,所以下周一收跌機會大,如能 打破慣性走勢 收升,係好友反擊信號
~ 恆指慣性走勢係升1天又會再跌過,每周都有新低
~ 有分析師指失守16500,下一個超級大位在16000,如失守,好友陣亡,下一站15500.15000
~ 港股走勢弱, 淡友仍主導大市,近來恆指仍維持每周只升一天的弱勢,過去7周只得一次升兩天
~ 由9月中開始,上證連續三周都係每星期只升一天,但本周卻升了三天, 上證收3072, 大升55點,10月16日召開中共20大,本周見維穩手影,內地股市周線全面收升
~ 英國白痴新首相卓慧思 亂推政策導致 英國股匯債 大幅波動,禍及全球金融市場 , 英倫銀行緊急啟動短暫買債計劃, 企圖穩住大局,市場憂慮英國出現系統性危機 ,或會掀起另一場金融風暴
~~~~~~~~~~~~~~~~~~~~~~~~~~
股災~股市不可靠
好似係雞煲提及小鵬汽車,當時大約在$100, 後來我一直留意呢隻股份,睇住佢一路碌落山,近日連$40都插穿,真係嚇屎人,如果倉底有貨冇止蝕真係輸到趴街
台積電係頂瓜瓜的好股, 訂單多到做唔曬, 一樣死 ,11/10 單日暴跌8.3%, 咪就係拜登的晶片法案 累街坊, 臨近8/11美國中期選舉, 拜登就越來越心慌, 亂推政策, 忠言逆耳,聽聞只要官員對反華政策有任何意見,都會被踢出局,形成白宮裏面只得一面倒的 反華聲音
去年在$8-10我炒過碧桂園, 後來見內房弱勢就冇再炒,如今已插穿$1.5, 如果見佢碌落嚟,$6 $5 $4 $3 $2 以為好平入貨,就真係輸死
~~~~~~~~~~~~
我估市主要睇不同板塊的表現,其次才睇指數,如果見多隻股份或板塊洗倉,又或者破位而下 ,跌穿大位,就算升市都唔好信,代表股市係虛火上升
10/10 恆指收17216, 當天國壽首度插穿$10大位 並收於其下,我就大叫 港股危矣!有災味,結果 13/10 恆指低見16389
低息時代要投資,當加息週期展開 ,做定期穩陣過亂炒,唔少分析師於19000.18500.18000.17500.17000.16500都說是建長倉的良機,信者失救,問題係持貨的心理壓力太大,試問有幾多股民見持倉蝕40-70%都無動於衷?
有網紅分析師本來有六七成持倉,大大聲話係中長線投資,19000.19500入貨以為執到寶,見彈上20000都唔食胡,哼! 近來已斬咗一半止損
另一位大淡友網紅分析師今個月於17500-18000終於入市買上,連輸幾鋪,17400.17100止蝕了
###########
港股連跌6日超賣,反彈在望
13/10 周四恆指收16389, 跌312點
老外大手沽出A股, 惟上證力守3000大關,收 3016,跌9點,港股繼續遭洗倉,恆指國指以全日最低位收市,大鱷逼死好友就彈得, 早前高位走了貨,如今就有資金撈貨博反彈,要留意上證3050, 只要上企利好港股, 不過QQ收$246.2, 失守$250不妙,波動區間下移$50可見$200
美元回軟,美國十年期債息 衝高回落,企唔穩4%, 正路今日港股有望收升,不過淡友 擔心美股超賣反彈 ,於今晚美國公布通脹數據前 夾硬踩多一腳落去食胡, 沽空收斂,只得17.03%(過去幾日20.87-24.55%),熊熊下移,今日17200熊出世, 不過整體牛熊分布仍然係牛多熊少,牛 61%:熊39%, 會拉住港股後腿
過去兩日道指已回穩,咬住29000水平唔放, 納指連跌6天,今年最長連跌7天,預示呢浸已跌到水尾,反彈在望,今次港股係跟住美股碌落山,只要美股止跌回升, 港股就可借勢反彈, 彈完再尋底
以周波幅計,本周恆指下跌目標16250-16450, 今日低見16389, 已進入達標範圍,技術上會有反彈,近來恆指每周都會升1-2日, 憧憬下星期施政報告樓市會減辣,本地地產股逆市上升
本周日日跌 , 以全周不會日日跌的慣性走勢來看 ,最後收升機會在明天, 明天要畫周線, 亦係異動日,希望好友生生性性出下力
試兄,工作如何?😊
元帥,有同感...現在只對國內景點有興趣😂🤣其他國家去過就算不想重遊 😄
史哥,我開始學Ringo sir 期權教學啦 😊🙏 再次多謝你,上次你話拉門師兄入股票群,想問問邊個勁人群組丫,你咁叻既.....通常上完堂至入群 ☺️ 股票期權炒買如何?我做一星期功課.....炒英偉達期權.....連贏五日好感動,唔使日日輸,解除連輸魔咒 😂🤣
門師兄,諗好 9 月HSI 點炒未 😂
元帥,好的👌🏿下次應該不會流浪......好攰😂😆 我覺得最多去兩星期就最好,當地食物最 5 慣,好彩有美團😄🙊,旅行咁耐第一次坐黑的就係最尾嗰日回港時,的士司機可能聽到我口音不是當地人,沒有起錶...同我講去機場條路一部份維修,要唔要行另一條路....我問相差幾遠,不遠很近。又問我航班幾點...當時患上感冒真的很攰,我只知打滴滴好像40人仔,到了機場時候我問佢幾錢,佢話90 😱 我即時打個突咁貴,由於時間關係冇同佢理論,跟住佢話收平兩蚊88我就比錢啦。向機場等上機時再諗,滴滴好像40,佢收多我一倍 😡 其實可以當場同佢理論及報警處理,算....趕時間 😆🤣
雞煲姐姐回來
我要2025再出發,好讓準備更充足彈藥同應付明年上半年倒閉潮
聽講取消對沖好多老世會走數
雞煲,我幫你刪除咗重複的留言喇! 頭條 畀 颱風 摩羯打到 病咗,呢兩日我都入唔到嚟, 今日傍晚才 入到
景色巧靚, 睇咗當去咗 😍❤️
下次再跑內地長線通知我,睇下我有冇大假和你一齊 流浪