7月好淡通殺
大鱷喜歡月尾夾硬爆邊做底頂來擴大月波幅
1月22日做底~ 跌月
2月23日做頂~升月
3月13日做頂(例外)~ 升月
4月29日做頂~升月
5月20日做頂~升月
6月28日做底~跌月
根據上述統計,收升月的月尾會破頂,收跌月會在月尾破底
史哥分析: 7月關鍵位~17998
向上為 18537 19094
向下為 17458 16934
QQ 站上 $385, 港女先有得上
31/7 周三恆指收17344, 大341點, 受制於17400 ~250天線
今日港股雖然收升, 但7月港股仍收跌, 國指壓力特別大, 除了因為內地經濟差拖累內銀之外, 亦係因為內銀7月除息, 好息之徒收高息後紛紛沽貨, 導致內銀一彈上去就惹來沽盤, 中港美股市都受業績、中東危機、美國總統選舉而大幅波動, 持倉要有兩手準備, 明日17100-17300 BB 牛出世
7月期指結算價17028
7月國指期貨結算價5993
30/7 周二期指結算港股反艇,低見16971後收窄跌幅, 冇破底,收17003, 好友仍能咬住17000來結算,於收市U盤更踢上17000之上收,到目前為止本周恆指波幅只得387點, 波幅未達標,未來幾日如未能插穿16971, 就要升穿17358來擴大周波幅
美元回落,人民幣急彈100點子,看看明日好友會否借勢反擊來推高月結位,明日基金埋月結及黑期結算,亦要畫月線,月尾大鱷玩跌下彈下,好淡通殺,肥熊下移至17400
恆隆地產業績差並削減派息,大行降目標價,拖累地產板塊大跌,明日中午匯控及恆生公布業績,內地上午公布製造業數據
29/7 周一結算前夕 港股反彈, 惟成交並不配合升勢,而且科指及國指跑輸恆指, 代表上升動力弱, 匯控上周五26/7已完成回購, QQ及匯控相繼失去回購支持, 美企及港股正處於業績公布期, 相關股份會大幅波動
日圓走強, 美元上升人民幣下跌,內地股市弱勢持續,削弱港股 反彈動力, 恆指已連升兩日,沽壓殺到, 大媽亦減磅,唔少股份都跑輸大市,大鱷派貨,內地消費股持續捱沽,近來中特估散水走勢弱,亦影響市場氣氛
今日大鱷推高恆指上17358, 畀貼價17000-17200 BB牛出世,命危矣!
匯控.恒生銀行周三(31/7)公布中期業績, 日本央行周二30/7開始一連兩日議息會議,經濟師預料日本央行將於本周加息,美國聯儲局將於本港時間周四1/8凌晨公布議息結果,一眾央行議息會為股匯債帶來震盪
26/7 周五恆指一度衝高見17229, 惟高位沽壓加劇,掉頭破底低見16924,收17021, 升16點, 全靠北水大媽大手掃貨撐市, 險守17000, 今日恆指開始回補24/4的上升裂口16846~16934
昨日人民幣爆升 557點子,今日卻大跌333點子,人仔彈散,港股亦彈散, 收窄升幅,下周二期指結算, 今晚美國公佈重要經濟數據
港股破位而下,大舉屠牛
25/7 周四低見16964, 收17005, 今日港股低開低走,大鱷擺明唔想放生好友,一跌到尾,不過跌到落整數關口(HSI 17000/ HSCEI 6000)點都會有短炒淡友食胡吧!只要淡友回補空倉, 就可推動港股反彈
恆指本周波幅已進入達標範圍, 而今個星期恆指只升了一天, 通常每周升2~3天, 本周尚欠一日升市
牛多熊少是後患,按照慣性走勢,第一次插穿整數關口係試水温,往後會破底,插穿今日低位16964, 後市要向下一關16800進發, 早前網友都話17200見,結果拖到24/7才到,震走淡友引好友入局才插,大鱷的佈局唔係咁易估,未必一步到位,會拖拖拉拉跌下彈下 才去到目的地
7月份逢周四恆指例升,可惜畀美股暴跌以及大媽走鬼拖累而收跌,上証先後失守3000.2950.2900多個大位,弱到不得了,但今日人民幣爆升 557點子,希望明日能穩住內地股市, 中央擴大汽車及家電以舊換新補貼
23-24/7 港股彈散續尋底, 上証失守2900大位, 同港股齊齊破位而下, QQ 冇咗每日十億元回購托價, 越跌越有, 失守$370後跌勢加劇, 拉住港股落山, 牛多熊少, 好友命危
上星期五19/7 港股沽空爆燈, 本周就破底, 淡友玩大插來食胡, 大鱷喜歡月尾夾硬爆邊做底頂來擴大月波幅, 收跌月會在月尾創新低,慣性走勢真係好準
賀錦麗代替拜登 出戰,特朗普勝算下降,特朗普概念股獲利沽壓湧現,三中全會冇料到,提振股市政策落空,大鱷掟貨鬆人,連北水大媽都走鬼, 係港股破底的 原因之
近來老外大手沽出內地消費股, 唔少股份都洗倉式下跌, 市場關注美國25/7周四公布GDP數據、26/7周五公布PCE通脹數據, 下周聯儲局議息
22/7 周一恆指收17635, 升218點
阿爺突然玩減息刺激港股急升,惟成交並不配合升勢,基金經理放暑假, 港股處於下降趨勢,股民成手蟹,入市意欲低,趁成交細大鱷可任意將港股舞高弄低,好淡通殺,連一向受追捧的中特估都見洗倉盤
降息對內地股市毫無幫助,全線下跌,走勢疲弱, 加上美元上升,人民幣下跌,美股高處不勝寒, 都拉住港股後腿
19/7 周五恆指大跌360點,大媽趁港股大跌連日掃入QQ, 但空軍卻大手加沽, 沽空爆燈, 後市不妙, 尋底市每周都會有新低, 下星期一22/7 轉節氣大暑,預示有大變, 市場關注美國大型科技股陸續公布的季度業績, 美股會大幅波動
17-18/7 港股牛牛多到爆燈,太多好友博反彈,要買定棺材,17600如失不妙,好友斬倉止蝕盤會出籠, 要下試17300,好友要等三中全會推出救市措施才有藉口反擊
16/7 周二恆指再挫,連跌兩日,已完全回補12/7上升裂口17864-18020, 亦遺留下跌裂口17899-17946,今日大跌288點,收17728, 已進入好淡角力戰區17600-17800, 如插穿, 好友斬倉止蝕盤會出籠
人民幣連跌兩日,短炒莊家走貨, 大媽掃貨,QQ失去回購支持,洗倉式大插3.1%,收$378, 下一個大位$370
空軍連續兩日加沽,大鱷推低大市殺好友,順道畀17900-18300貼價BB熊出世, 但牛熊分佈仍然係牛肥熊瘦,不過牛熊都非常貼價,三中全會期間,似乎有無形之手維穩,上證表現勝港股,連升4日,不過如上證升勢斷纜不利港股
槍擊事件後特朗普獲選勝算急增,資金流入美股大炒特朗普概念股, 總統選情會令股市大幅波動
15/7 周一恆指收18016, 大跌277點
今早競價開市 科指跌1.21%,大幅跑輸恆指的 下跌0.5%,代表今日港股走弱, 科企會拉住港股落山, 最終全日收市科指插2.9%
上證雖然收升,但成交縮,而滬深兩市下跌股份遠遠多過升股,代表今日收升只係虛火, 今早內地公佈的經濟數據欠佳,加上特朗普槍傷效應,美元反彈,人民幣結束兩連升, 下跌42點子收7.2627
港股沽空急增至18.64%,代表淡友加強攻勢, 公佈業績前QQ暫停回購, 每日少咗十億元撐市, Al 指出淡友要過三關18020/17942/17864,今日收18016, 失守18020,淡友過了第一關,明日繼續闖關, 而好友就要守17600-17800, 如失守不妙
12/7 周五恆指收18293, 升461點
見股民入市意欲低, 大鱷只好又玩挾淡, 恆指暴升創月內新高, 但升勢過急,短短3日由低位17376反彈941點高見18317,升抵阻力位,獲利盤及蟹貨出籠會拉住港股後腿,後市關鍵位18020/17942, 如收於其下不妙, 代表好友縮手, 如能站穩, 就會挑戰18400
今日上升裂口有待回補
17864-18020, 6387-6443
下周一內地公布GDP、樓價、失業率、工業及消費等多項經濟數據,三中全會開幕,QQ 將於14/8 公布季度業績,下周一 15/7起暫停回購,QQ失去每日$10億的回購買盤點算?要靠QQ莊家守關, QQ大位$370如失守不妙
港股好友大反擊,大舉屠熊
11/7 周四恆指收17832, 大升360點,已全數回補8/7的下跌裂口,大鱷突然玩抽升,逼淡友回補空倉,進一步推高大市,熊熊屍橫遍野,沽空略為縮減
受資金流入所推動, 今日港股出現突破, 不會一日就見頂, 後市會反覆向上, 不過通常頭浸升勢有淡友回補空倉做助力, 升勢較急, 但相關買盤消失後, 獲利盤出籠, 市況就會比較震盪
內地股市走勢疲弱,上證在2950穿梭,仍受制於3000水平, 會拉住港股後腿, 當人民幣見頂回落就要小心短炒熱錢撤退
匯市形勢利好港股,美元下跌,人民幣反彈,好友借勢奪回港股主導權, 要向上周四高位18133肥熊區進發,阻力大位18400/18724, QQ亦要升穿今日高位$386來擴大周波幅,淡友熊熊命危
10/7 周三恆指收17471, 跌51點,連跌4日
上證及港股同步於9/7創新低後抝腰向上,本周一二三恆指都收跌, 按照慣性走勢不會全周日日跌,加上昨日關鍵日恆指收陽燭,上證倒升成交增,今日港股上證都冇創新低,港股跌幅亦不大,代表好友仍未放手,大市正醞釀反彈,好友大鱷等 人民幣止跌回升就會出擊
拜登連任危危乎,選情告急, 市場因而又炒減息救亡,美元下跌失守105, 今日人民幣兌美元在岸價收報7.2759,跌39點子,創近8個月新低,人仔弱加上牛多熊少拖低中港股市
近日唔少好友博反彈,但見今日港股彈散就死心撤退, 其實呢兩日大鱷見牛牛好友太多所以壓住大市, 想趕走好友才挾淡抽升
17400樓下雖然有肥牛, 但17700樓上熊熊亦快高長大, 有好友投降斬好倉轉做淡,相反指標係反彈在望,如今本周只剩餘兩個交易日, 沽空增加有利挾淡, 要看阿爺會否幫幫手, 恆指阻力18000-18133
港股雖然續跌,但港股升跌靠北水大媽, 所以不要盡信圖表走勢, 雙櫃台模式成交連續兩日增加, 必有所圖,科指連日跑贏大市,好友咬住17500穿梭, 港股連續兩日成交增加,創新低後 有買盤進場, 可能係博下星期的三中全會有救市政策
9/7 周二關鍵日出異動訊號
上證港股同步低開後插水創新低後拗腰向上收陽燭, 昨日(周一8/7)恆指跌至史哥所說的大位 17458 後收窄跌幅,好友咬住關鍵位 17500, 雙櫃台模式成交突然大幅增加, 人民幣櫃台總成交額為 1.97億(平時只得數千億)
內地股市成交明顯增加, 由昨日(周一)的5819億元增加至7243億元人民幣, 上證即市振幅高達2.04%,罕有的大波幅, 上證由低位2904彈上2963, 收2959, 倒升37點收市, 低開高收, 單日轉向, 結束四連跌
恆指創新低17376雖然有淡友食胡, 但亦有淡友加倉, 沽空急增至18%, 下有超肥牛, 上有BB熊下移, 通常大鱷等熊下移及養肥就會挾淡倉
港股創逾兩個月內新低,大舉屠牛
8/7 周一恆指收17524, 大跌275點
今日恆指跌至史哥所說的大位 17458 後收窄跌幅,好友咬住關鍵位 17500, 通常第一次跌穿大位250天線點都會有短炒淡友食胡止賺或回補空倉
今日港股雖然大跌,但科指跑贏大市, 撐起頭家,美元早前在106附近遊走,中港股市反艇,上周末老美又炒減息,導致美元跌穿105, 上周四五人民幣作出反彈
上周六6/7轉節氣小暑,上證連跌4日等反彈,明天(周二9/7) 係港股關鍵日,能否收陽燭具啟示作用, 牛熊分佈係牛多熊少,會拉住港股後腿, 通常大鱷等熊下移及養肥就會挾淡倉
匯控.恒生銀行周三(31/7)公布中期業績, 日本央行周二30/7開始一連兩日議息會議,經濟師預料日本央行將會宣布加息,美國聯儲局將於本港時間周四1/8凌晨公布議息結果,一眾央行議息會為股匯債帶來震盪
7月份: 後市要向下一關16800進發, 早前網友都話17200見,結果拖到24/7才到,震走淡友引好友入局才插,大鱷的佈局唔係咁易估,未必一步到位,會拖拖拉拉跌下彈下 才去到目的地
好淡角力戰區17600-17800, 如插穿, 好友斬倉止蝕盤會出籠
內地公佈的經濟數據欠佳,加上特朗普槍傷效應,美元反彈,人民幣下跌
港股沽空急增代表淡友加強攻勢, 公佈業績前QQ暫停回購, 每日少咗十億元撐市, QQ失去回購支持,下一個大位$370.$360
6月收跌報17718, 以月波幅計, 7月如未能上破18500, 就要插穿17500, 17200-17300 為好友防線
中共20屆三中全會將於7月15至18日在北京召開
7月第二周美股業績期揭開序幕, 第二季財報,幾家主要銀行摩根大通(JPM)、富國銀行(WFC)和花旗集團(C)將於周五12/7公佈季度收益。紐約梅隆銀行.百事可樂公司(PEP)和達美航空(DAL)也公佈業績, Google(谷歌)母公司 Alphabet.可口可樂.Tesla.UPS.通用汽車.LVMH.美國紙業巨頭百利克拉克(Kimberly-Clark).Visa.GE Aerospace.得州儀器.美國玩具商美泰(Mattel).穆迪(23/7),微軟(29/7), Meta、AAPL、AMZN
市場關注美國25/7周四GDP數據、26/7周五PCE通脹數據
美聯儲將於香港時間下周四1/8凌晨進行議息會議
22/7 周一轉節氣大暑
試兄,工作如何?😊
元帥,有同感...現在只對國內景點有興趣😂🤣其他國家去過就算不想重遊 😄
史哥,我開始學Ringo sir 期權教學啦 😊🙏 再次多謝你,上次你話拉門師兄入股票群,想問問邊個勁人群組丫,你咁叻既.....通常上完堂至入群 ☺️ 股票期權炒買如何?我做一星期功課.....炒英偉達期權.....連贏五日好感動,唔使日日輸,解除連輸魔咒 😂🤣
門師兄,諗好 9 月HSI 點炒未 😂
元帥,好的👌🏿下次應該不會流浪......好攰😂😆 我覺得最多去兩星期就最好,當地食物最 5 慣,好彩有美團😄🙊,旅行咁耐第一次坐黑的就係最尾嗰日回港時,的士司機可能聽到我口音不是當地人,沒有起錶...同我講去機場條路一部份維修,要唔要行另一條路....我問相差幾遠,不遠很近。又問我航班幾點...當時患上感冒真的很攰,我只知打滴滴好像40人仔,到了機場時候我問佢幾錢,佢話90 😱 我即時打個突咁貴,由於時間關係冇同佢理論,跟住佢話收平兩蚊88我就比錢啦。向機場等上機時再諗,滴滴好像40,佢收多我一倍 😡 其實可以當場同佢理論及報警處理,算....趕時間 😆🤣
雞煲姐姐回來
我要2025再出發,好讓準備更充足彈藥同應付明年上半年倒閉潮
聽講取消對沖好多老世會走數
雞煲,我幫你刪除咗重複的留言喇! 頭條 畀 颱風 摩羯打到 病咗,呢兩日我都入唔到嚟, 今日傍晚才 入到
景色巧靚, 睇咗當去咗 😍❤️
下次再跑內地長線通知我,睇下我有冇大假和你一齊 流浪