KellyChu - 捉緊秋天的尾巴濕地公園賞紅葉｜Executive日記

2022/12/31 03:11:54 網誌分類: 生活

31 Dec

年近歲晚，天水圍濕地公園秋色滿溢，行喺名為「演替之路」嘅水上木板步道，就見到一片片紅色波瀾，同時湖水倒影住橙黃橘綠色嘅落羽松，一時間真係好似去咗北美，大家仲唔快啲趁住周末，去賞紅葉，捉緊「秋天的尾巴」！

近日唔少網民都話，濕地公園嘅落羽松紅得好靚，行喺「演替之路」上，真係感受到秋天嘅寧靜致遠。有人仲形容：「今年濕地公園嘅幾棵落羽松特別靚，紅橙黃綠真有點歐洲北美feel」。另有人教路話：「一定要下午去，近黃昏時顏色較濃」。

翻查資料，落羽松又叫落羽杉，原產美國東南部密西西比河下游，一般喺濕地環境中形成森林，樹葉秋季會變黃，十一月起轉紅，所以而家去天水圍濕地公園賞紅葉，時間啱啱好！不過公園星期二就定期關閉，大家要注意喇！
Kelly Chu