可憐的梅媽媽 2
2008/06/21 12:04:21
網誌分類:
時事
梅媽媽可憐之處, 是身在福中不知福, 而又不識感恩, 更加上一個蠢念頭, 認為梅豔芳D錢, 即是屬於梅家的, 再加上耳仔軟, 任由那個駐米大蟲梅哥哥及其後面一班幫閒唆擺, 於是泥足深陷o如果一直上訴至終審案, 嬴咗都可能等於輸, 只會益晒D律師而已!
但一個蠢念頭害死人. 真係常見𣎴爽o黃SIR曾經見過一位老人家, 佢個孫出世個年, 佢地就破產, 於是認定個孫係攞債鬼, 係咁虐待佢!全家冇晒佢修!
有個伯爺婆, 寡母婆飬大個仔, 認為個仔唔可以親老婆多過佢, 居然個仔結咗婚,佢要瞓係人地兩公婆中間, 搞到個仔要離婚!(蠢而惡,再加上個仔愚孝!𣎴知反抗!)
而家黄SIR唱緊隻沈園會, 就係講唐婉被一個惡家姑認為佢冇仔生, 不祥人, 而送咗佢去尼姑庵, 你話惨唔惨!
所以人世間, 你如果遇倒呢類影响倒你生活, 又頑固又自私的老而𣎴, 又唔識反抗, 你就注定痛苦一生矣!
今次眼見梅媽媽事件, 你就知一個蠢念, 可以傷害得一個人幾深!
如果佢識諗, 根本一個月十二万家用, 真係快活過神仙也!
回應
(0)
我要發表