KellyChu - 哥倫比亞大獎賽奪金 江旻憓再登重劍世一｜Executive日記
2023/05/09 03:19:23
網誌分類:
生活
江旻憓喺哥倫比亞重劍大獎賽個人賽決賽中，以15比8擊敗法國劍手簡達森美，首次喺大獎賽奪得金牌，同時升上女子重劍世界排名首位，重奪「世一」寶座。簡達森美賽後就排世界第二，南韓劍手宋世拉就由世界第一跌至第三。其實今次比賽Vivian狀態大勇，64強開始，輕鬆戰勝對手晉身四強。而四強賽中，佢就以9-8險勝世界第六嘅意大利劍手。今次亦係Vivian本賽季第三次走上台領獎，去年底佢喺世界盃溫哥華站贏得銀牌，今年初就喺多哈站大獎賽得銅牌。
文化體育及旅遊局局長楊潤雄就祝賀江旻憓再登「世一」，為本港劍擊運動寫下光輝一頁。佢話，對香港能夠培養出世界第一嘅體育人才感到非常鼓舞。
Vivian5月19至21日會轉戰阿聯酋富查伊拉世界盃，完成賽事後有機會返香港小休。期待Vivian再有好成績！
Kelly Chu
■江旻憓再為本港劍擊運動寫下光輝一頁。
■江旻憓在哥倫比亞重劍大獎賽出劍利落，表現出眾，擊敗法國劍手簡達森美。
■江旻憓（左二）升上女子重劍世界排名首位，重奪「世一」寶座。
回應
(0)
我要發表