KellyChu - 由早拼到晚 謹記上司教導 港鐵主席Rex成功靠苦幹|Executive日記
2023/05/11 03:19:31
網誌分類:
生活
一手搞起亞洲「信安」
Rex喺加拿大滑鐵盧大學城市設計和環境規劃系畢業,被節目主持問到點解揀呢科,佢話自己一向鍾意接受挑戰,當時知道呢個學系成個加拿大只得一間大學收生,每年取錄60人,令佢決心挑戰難度。
至於點解又加入保險業呢?佢話,喺保險公司做暑期工,大學畢業之後獲聘為行政見習生(MT)。佢形容自己入行初期,係一張白紙,試過朝早9點開工,凌晨2點先收工,連星期六都返工,為嘅就係確保自己明白上司教過嘅工作細節。咁勤力嘅員工,當然獲老闆賞識啦,佢之後加入美國信安金融集團,被派回香港負責籌建亞洲區辦事處,由搵辦公室到設定目標市場、產品設計、領牌等,一手一腳搞掂,連公司中文名「信安」都係佢起嘅。
Rex坦言,由零開始成立一個辦公室,自己毫無經驗,但佢抱住「未試過點知唔得」嘅信念,成功打出一片天,仲成為公司嘅亞洲區主席。佢寄語年輕人,「唔使驚做自己未做過嘅嘢,喺邊到碰釘,就喺邊到企返起身。」
Kelly Chu
![■歐陽伯權於電台節目中大爆年輕時嘅奮鬥經歷。p/ ■歐陽伯權於電台節目中大爆年輕時嘅奮鬥經歷。p/](http://static.stheadline.com/stheadline/news_res/2023/05/11/41139/i_src_064377973.jpg)
■歐陽伯權於電台節目中大爆年輕時嘅奮鬥經歷。
回應
(0)
我要發表