KellyChu - 「法國五月藝術節」中環街市展風采｜Executive日記

2023/05/12 03:19:35 網誌分類: 生活

12 May

華懋集團同「法國五月藝術節」嘅合作踏入第三年，活動昨日正式揭幕，大家即日起可以到中環街市或荃灣如心廣場，參觀法國傳統市集，現場有各式法國名產，例如香檳、芝士、冷盤、肉醬、果醬、牛角包、海鮮、配飾等。小妹一直好迷法國嘢，呢個周末一定去行下！

同時，中環街市同如心廣場會先後擺放法國藝術家安東納‧傅黑諾（Antonin Fourneau）嘅互動藝術裝置《水燈塗鴉》，裝置由數千盞LED燈組成，當水觸及LED邊緣，LED燈會通電發光，等參觀者可以喺呢塊LED畫布上創作。另外，現場亦會展出本地年輕藝術家何文蕙亦有兩幅以自然為靈感嘅藝術作品，呼籲大家保護環境。

華懋集團執行董事兼行政總裁蔡宏興就話，好高興可以將法國藝術同美食帶入社區，而今次合作，亦體現集團對可持續發展嘅承諾。
Kelly Chu