水淹七軍

最近黄SIR屋企两遭水患, 首先是主人房冷氣機如天降甘霖, 全晚瘋狂落雨, 半夜要起身抹地, 又要抹機（都唔知D水點解會抹極都有？）真係好鬼大劑ｏ

結果當然要揾冷氣師傅上門搞, 好在今次好運, 揾番個正牌代理委託之承包商ｏ他的好處是不放飛機, 如果你試過約佢十點, 佢三點至泥, 你又連飯都冇食去等佢的滋味, 你就知黄SIR感恩之處了ｏ

好了, 三部冷氣保養加洗機再加加冷種, 承惠每部800元, 共2400大元ｏ再來揾出水淹根源, 去水喉要換, 加包防水膠, 加工程費又七百大元, 終於擺平水患ｏ

誰知昨晚晚飯回家, 厠所地台又水浸, 又要抹地, 又要做餐死ｏ

當然又要揾救兵, 一早起身, 先揾屋苑家務助理部, 八時半未有人返工, 電話冇人聽ｏ

再揾附近一間水電零件公司, 又冇人聽電話ｏ到九點半, 電話有人聽, 但師傅未返工, 留低電話地址, 又係等ｏ

到十一時半, 師傅來電, 問明原因ｏ好彩黄SIR口齒伶俐, 分析準確, 師傅話半小時到（結果等咗個半小時ｏ）

師傅結果（準時）出現, 還算專業ｏ先試治本之策, 移開坐廁, 修好內喉！承惠二千大元！

黄SIR自不然先求治標之策, 治標就十分簡易, 換去水箱內停水制部份, 承惠380元正ｏ急急應承, 十五分鐘後搞掂！

而家寫寫吓走去睇吓, 地台乾爽, 乜事都冇！（治標好嘢！）

好彩黃SIR以前自已都係工程師, 治標都得, 又駛乜治本呢？

而家慳番D錢唔在講, 阻住黄SIR去玩就大件事啦！大把人等住黄SIR去玩假馬！唏！