KellyChu - 大運會港隊凱旋歸來 張家朗：2金係完美嘅結果｜Executive日記

港隊喺成都世界大學生運動會斬獲12面獎牌，取得歷屆最好成績。幫港隊奪得2金嘅「劍神」張家朗，就同過百名隊員昨午凱旋歸來，政務司司長陳國基等到場迎接。張家朗話，雖然今次係第一次，亦喺最後一次參加大運會，但已經留下美好回憶，形容係完美嘅結果。

超過120名港隊健兒昨午凱旋返港，陳國基、文化體育及旅遊局局長楊潤雄、康文署署長劉明光等到場迎接，大家開心拍照留念（見圖）。東京奧運花劍金牌得主張家朗就話，好幸運可以參加今次大運會，形容雖然今次係第一次、亦係最後一次，但可以參與大型運動會，並奪得個人同團體金牌，為自己留下咗美好回憶，形容係完美嘅結果。佢亦祝願香港運動員，喺下屆德國大運會取得更好成績。

陳國基就讚揚各位香港健兒表現卓越，喺國際體壇說好香港故事，相信廣大市民亦深感振奮和驕傲。特區政府會繼續支援精英運動員喺學業同運動方面雙軌發展，等佢哋開拓潛能，為港爭光。

Kelly Chu