KellyChu - 今天封面:時尚教母宋懷桂 星島《ArtCan》大革新 前衛有型|Executive日記
2023/08/10 02:55:26
網誌分類:
生活
《星島日報》突破框框,全策展文化藝術板塊《ArtCan》,上周四首期出版後,大受讀者、演藝團體和支持文化藝術的企業歡迎。好多人睇完之後,都同Kelly大讚,設計有心思,充滿藝術美感。話咁快,今日改革版《ArtCan》出第二期,封面故事介紹正在M+博物館展出的時尚教母宋懷桂展覽,到底她如何透過前衛思維,改變中國的時裝潮流?淨睇封面,小妹就感受到好IN嘅氣息!
逢周四隨《星島日報》附送嘅《ArtCan》,今日迎來大改革後嘅第二期!今期封面故事,係介紹正喺M+博物館展出嘅展覽《宋懷桂:藝術先鋒與時尚教母》。宋懷桂到底係邊個?佢係藝術先鋒、商界精英、時尚教母同文化大使。今期就同大家細述,她如何從1980至2000年將模特兒時裝秀帶入中國,打開中西時尚圈交流之門,亦將全國清一色嘅「毛裝」大解放。
當然,今期無論圖片、設計同排版都一如既往咁潮咁靚,令人眼前一亮。《星島》編採團隊就話,大家集思廣益,一齊打破框框,全新策展《ArtCan》,目標鮮明,係同全港藝團同行,同時鼓勵大企業支持文藝創意工業,合力推廣香港嘅文藝氛圍,以Art連繫社群,講我哋嘅故事。
另外,唔少讀者都同小妹大讚,「ArtCan」首期封面故事,介紹香港芭蕾舞團嘅合家歡節目《心兒與她的奇幻恐龍書》,十分精采,好多人廣傳分享。
Kelly Chu
![■今日改革版《ArtCan》出第二期,封面故事介紹正在M+博物館展出的時尚教母宋懷桂展覽。 ■今日改革版《ArtCan》出第二期,封面故事介紹正在M+博物館展出的時尚教母宋懷桂展覽。](https://image.hkhl.hk/f/1024p0/0x0/100/none/f2299e5d10e5f8f2a835a97f6d27dea1/2023-08/wttp010p04b_3.jpg)
![■首期《ArtCan》大受讀者、演藝團體和支持文化藝術的團體歡迎。p/ ■首期《ArtCan》大受讀者、演藝團體和支持文化藝術的團體歡迎。p/](http://static.stheadline.com/stheadline/news_res/2023/08/10/68035/i_src_913086412.jpg)
■首期《ArtCan》大受讀者、演藝團體和支持文化藝術的團體歡迎。
![](http://static.stheadline.com/stheadline/news_res/2023/08/10/68035/i_src_064891399.jpg)
回應
(0)
我要發表