KellyChu - 馬會時隔4年再搞親子活動 小朋友可親親溫馴小馬｜Executive日記

相隔4年再次舉辦嘅香港賽馬會大型親子玩樂活動「季前嘉年華」，將會喺9月3日舉行，屆時沙田馬場會搖身一變，成為盛大嘉年華會場。現場設有五大主題遊樂區，提供益智好玩嘅遊戲及表演，包括往年極受歡迎嘅親親小馬活動，小朋友可以同可愛小馬近距離接觸，仲可以體驗策騎樂趣。

今年「季前嘉年華」會有多項精采節目，其中喺「親親小馬區」，小朋友可以同溫馴得意嘅小馬近距離互動，例如同雪特蘭小馬影相打卡（見圖）；亦可以喺安全愉快咁策騎小馬。另外，今年仲有星夢歌手及街頭音樂達人到現場獻唱。門票即日起可以喺馬會網站（http︰//www.hkjc.com/r/DZdsi）買到，每位只要98元！

Kelly Chu