KellyChu - 超哥國際廚藝學院「探班」 同學仔甜品奶茶作品獲讚｜Executive日記

新一份《施政報告》正展開諮詢活動，特首李家超昨日就去咗國際廚藝學院「探班」，了解本地職業專才培訓課程嘅最新發展，同時亦同年輕學員交流。期間香港國際美食大獎25歲以下「海鮮組」銀牌得獎學員黃湘，就教特首點擺盤藝術，為作品嚟個「終極點綴」。特首又話，黃湘同學製作嘅蛋糕以粟米為主題，初睇似係一道甜品，細心品嘗，先發現係咸味創意小點！

而喺參觀尾聲，茶藝學員麥嘉俊就即場為一眾嘉賓沖咗杯港式奶茶，特首飲完大讚：「茶香細滑！」特首話，很高興聽到各位學員喺不同領域的課程收穫良多，形容「行行出狀元」，只要有熱誠，加以努力，任何人都可以喺唔同行業闖出一片天！

Kelly Chu