KellyChu - 明天ArtCan封面靚爆鏡 汪阿姐家英哥合演《蝴蝶夫人》｜Executive日記

家英哥同汪阿姐幾時都咁Sweet，Kelly知道佢哋兩位九月仲會喺戲曲中心載譽重演《蝴蝶夫人》，家英哥將再度擔當演出負心嘅美國中尉，而汪阿姐就飾演多情嘅日本藝伎，真係令人期待！

Kelly好留意本地文化藝術消息，特別係《星島日報》革新文化藝術板塊後，逢星期四隨報附送《ArtCan》，內容夠晒養份，直情好似藝術周報咁！Kelly知道嚟緊嘅封面故事訪問咗羅家英，分享嚟緊佢同汪阿姐攜手演出《蝴蝶夫人》嘅詳情。聽講家英哥喺訪問中憶述多年前慕名去澳門欣賞名伶紅線女同馬師曾、薛覺先合演嘅《蝴蝶夫人》，劇本係由馬師曾改編自意大利作曲家普契尼嘅同名歌劇《蝴蝶夫人》，而當時嘅家英哥已萌生念頭，他日如果喺香港演出呢個劇目時，花旦人選非汪明荃莫屬！講住咁多先，大家想知道家英哥同汪阿姐套新粵劇，記得今個星期四買份《星島日報》睇吓《ArtCan》喇！Kelly見到張相好靚，Like爆。

Kelly Chu