KellyChu - 煤氣公司落成首轉廢為能項目　每年減碳近800噸｜Executive日記

煤氣公司一直注重可持續發展，近日就落成啟用全港首個聯廠減碳項目（見圖），將生產燃氣過程中產生嘅餘熱，轉移到毗鄰嘅美心食品廠，代替電力支援大型抽濕機運作，預計每年可為美心食品廠減少約800噸二氧化碳排放，相等於種植超過34000棵樹木！

煤氣公司生產維修及發展總經理伍杏偉解釋，煤氣公司輸出嘅餘熱近攝氏100度，美心食品廠透過熱交換器同水管接收熱能，經過抽濕機後，水溫會降至約70度，呢啲「冷水」會回流往熱交換器，再同煤氣廠房嘅高溫管道接觸，重新加熱至90多度，周而復始抽濕。由於今次轉廢為能工程喺香港從無先例，所以由設計到建造，花咗3年，好唔容易！

透過聯廠嘅轉廢為能方案，煤氣公司可減少用冷卻燃氣生產爐組嘅用水，同時美心食品廠就可利用餘熱代替電力抽濕，達到雙贏局面。

Kelly Chu