KellyChu - 陪星總領事考察粉嶺高球場 葉劉：建屋破壞土地港人損失｜Executive日記

政府下月1日正式收回粉嶺高爾夫球場32公頃用地，行會召集人、新民黨主席葉劉淑儀（Regina）前日就應新加坡駐香港總領事王首毅建議，喺香港哥爾夫球會安排下，一齊到粉嶺高球場「舊場」實地考察。

Regina話，香港同新加坡同樣土地短缺，雖然新加坡政府正研究收回更多高球場建屋，不過新加坡嘅球場比香港多。

佢話，粉嶺高球場有獨特生態歷史價值，例如超過400年歷史嘅古墳、過百年歷史嘅「古樹」大樟樹、極珍貴嘅中國水松、唔同品種嘅蝙蝠和貓頭鷹等動物，亦係市民過周末嘅好地方，「如此美麗而珍貴的公園，假如將來只因區區使用大約9公頃土地興建公屋，而破壞具歷史及保育價值的土地，實在香港市民一大損失。」

Kelly Chu