KellyChu - 港鐵前線員工超專業 連夜搶救重災區｜Executive日記

港鐵黃大仙站喺早前嘅暴雨中成為重災區，雖然水浸嚴重，但依然可以極速修復，翌日重開，到底點解呢？呢個當然唔少得港鐵前線員工嘅連夜努力，有前線工程人員就喺社交平台出發文吐露心聲，話嗰晚災情雖然嚟得突然，不過同事都好專業，「冇人搵枝槍指住我哋，我哋會發揮專業精神自己埋位」。

呢位港鐵前線工程人員於喺Facebook群組「黃大仙區友」發文話，世紀暴雨當日，正返「中更」，但暴雨阻礙夜更同事到場換班，於是佢決定直踩「夜更」頂住。

佢又透露，面對天災，前線同時都發揮專業精神，「冇人搵枝槍指住我哋，我哋會發揮專業精神自己埋位」、「呢個就係做呢行使命」、「我哋唔去，仲有邊個會去？」

唔少網民睇完之後，都大讚港鐵員工嘅專業精神，有人留言話：「感激你地嘅辛苦，今朝送小朋友返學，都邊行邊講，教佢唔好忘記感恩一班前線既付出，無你哋嘅努力，唔會咁快有我哋嘅便利。」、「辛苦晒，呢兩日可以由黃大仙站出入都覺得好amazing，多謝你同你每一位同事。」、「市民個心知道的。」

Kelly Chu