KellyChu - 港鐵「Hello Kitty紅葉專車」有得坐喇 由朗屏站到大棠 欣賞沿途冬日美景｜Executive日記

Hello Kitty主題紅葉巴士K66A喺剛過去嘅周六正式首航！Kelly趁住假期，當然坐主題巴去元朗大棠楓香林，睇一年一度嘅紅葉喇；而成個旅程，從朗屏站到主題巴士車身，都有Hello Kitty陪伴，心裏面一顆少女心怦怦亂跳！

港鐵「Hello Kitty主題紅葉巴士」上周六早上10點半正式首航，百多位乘客乘搭住呢架K66A「紅葉專車」，由港鐵朗屏站出發到元朗大棠，睇紅紅一片冬日美景。

值得一提係，每位乘搭首班專車嘅乘客，都獲得獲贈紀念品「Hello Kitty特別版紅葉巴士模型」一份！

依家起至明年1月14日，每逢星期六、日及公眾假期，大棠紅葉巴士K66A都會準時出發，來往港鐵朗屏站 （近悅屏樓） 及大棠山道，港鐵/輕鐵乘客仲免費轉乘。大家快啲約埋親朋好友，去大棠睇紅葉兼搵Hello Kitty影相！

1︰120巴士模型有得賣

另外，相信大家好羨慕小妹有一架1︰120嘅Hello Kitty紅葉巴士模型，依家到朗屏站客務中心、輕鐵客務中心、MTR e-Store就買到！

Kelly Chu