KellyChu - 日圓下跌 大阪成熱門置業點 專家：港人買日本樓查詢激增 | Executive日記

日圓匯率再度跌至新低，吸引港人蜂擁日本旅遊，連帶當地物業市場亦受到追捧，近年於當地大力發展嘅FMI至匯投資，亦推出多個全新樓盤發售，本周六更喺香港舉行首屆日本物業博覽，展示大阪核心六區新盤，並請嚟港日兩地專家主持免費講座，協助準買家制訂投資策略。

　　FMI至匯投資行政總裁及創始合夥人李丹翔話，近年港人投資日本物業比例大幅增加，主要因為日圓貶值，當地物業普遍百多萬就有交易，加上租金回報率高，所以吸引港人投資。

　　佢續指，由於東京樓價較高，不少港人轉戰大阪，加上大阪明年將舉辦世博會，首個賭場亦將於2030年開幕，令大阪樓價前景備受看好。

　　由去年9月至今，FMI先後舉辦3次日本物業博覽，首2次在新加坡舉行，均座無虛席，最近有關日本置業嘅查詢激增，於是決定在香港舉行首屆日本物業博覽。

　　周六當天博覽嘅重點活動係3場免費講座，首場介紹大阪心齋橋、日本橋、梅田、道頓堀、通天閣、大國町共六個核心區新盤；第2場分析投資民宿機遇及申請日本按揭秘訣；第3場則講解合法經營民宿須知、分析大阪前景，並分享申請日本居留權嘅重點及成功案例，一日內將大阪樓市投資心法傳授給參加者。

KellyChu