KellyChu - 「長建環球一家同樂日」再辦 多地員工齊聚一堂｜Executive日記

為改善長者生活質量，同時實踐「退而不休」理念，滙豐銀行慈善基金就同社聯及「銀杏館」推出「滙豐香港社區夥伴計劃」，昨日更請到受惠長者到場分享。其中年逾7旬嘅陳伯獲聘為「運包員」，每日為弱勢社群提供新鮮麵包，仲大讚工作好有意義！

計劃下，「銀杏館」推出名為「杏福補給站2.0」嘅自助麵包機，聘請長者及弱勢社群製作「愛心麵包」，供基層領取。現年74歲嘅陳伯，已獲聘「運包員」10個多月，每朝會送新鮮麵包到自助麵包機。佢話，機構上門探訪嗰陣，就請咗自己，又大讚工作好有意義：「有好多人都慘過自己，幫唔到大忙就幫小忙」。

計劃今年撥款1800萬元予27個社福機構，捐助30個社區項目，料約13萬人受惠。另外，計劃本月17日會喺中環遮打道行人專用區舉辦「滙豐香港社區節」，現場設有大型裝置展覽沉浸式體驗、巨型扭蛋機和多元文化舞台表演等，大家仲可以同視障導師學習扭氣球！長江基建喺剛過去嘅禮拜日舉行闊別6年嘅「環球一家同樂日」，集團嚟自內地、英國、荷蘭等多地代表都有出席，多達1200名員工及家屬齊聚參與，各隊伍施展渾身解數拔河、跳舞，增進團隊精神。

長江基建話，對上一次舉行同樂日係2017年，後因疫情等因素闊別6年。長江基建主席李澤鉅話，相隔6年，好高興再與世界各地員工聚首一堂，長江基建喺全球有約3萬名員工，成員公司間一直互相合作，取長補短，係集團成功嘅其中一個優勢。

Kelly Chu