KellyChu - 退役「烏蠅頭」駛入灣仔海濱　聖誕造型吸引打卡｜Executive日記

港鐵將兩卡俗稱「烏蠅頭」嘅退役東鐵線列車翻新，並重置喺灣仔「水上運動及康樂主題區」，昨日開放首日，雖然未到周末，已經有唔少市民到場打卡。車廂裏面仲換上聖誕限定造型，好有氣氛！有人喺灣仔海濱散步行攰咗，就入去休息坐下；亦有鐵路迷專程到車廂，擺一個搭緊地鐵嘅pose，形容係要「回顧返以前嘅回憶先！」

港鐵就提醒大家，過去現場參觀都好方便，港鐵會展站A2出口步行約8分鐘，或者灣仔渡輪碼頭步行約5分鐘，都可以到！呢兩卡列車真係滿載市民回憶，俗稱「黃頭」嘅第一代電氣化火車喺1982年5月6日投入服務；到咗90年代，大部分「黃頭」就翻新成為「烏蠅頭」，首列1997年2月投入服務，去年5月6日退役。

Kelly Chu