KellyChu - 新年8000萬六合彩今攪珠 8號最旺｜Executive日記

六合彩新年金多寶今日攪珠，如果以10元一注獨中，頭獎獎金有機會高達8000萬元。唔少市民希望新年有個好開始，專程去到中獎概率較高嘅投注站買六合彩，Kelly都心郁郁想「博下彩」，好期待攪珠結果！

新年金多寶今晚9點半攪珠，9點15分截止投注。馬會表示，今期金多寶有6000萬元，如果以10元一注獨中頭獎，獎金估計可能高達8000萬元。想贏得巨獎除咗靠彩數，亦有人選擇參考過往中獎經驗，去到中獎次數最多嘅中環士丹利街投注站買六合彩。

噚日投注站未開門已經有市民排隊，排喺首位嘅陳女士話知道呢個投注站中獎概率高，專程過海買彩票，更透露自己好耐以前中過三獎，如果今次成為幸運兒，希望用獎金嚟去旅行。市民何先生就表示自己每次都有捧場六合彩，今次唔中都唔會失望，「當還吓心願玩吓」。

根據馬會數據，全港十大幸運投注站分別係：中環士丹利街、屯門市廣場、荃灣青山道、尖沙咀漢口道、上環干諾道西、觀塘廣場、九龍灣德福、大埔廣場、上水石湖墟、大埔廣褔道。幸運號碼則以8號最旺，過去10次新年金多寶共攪出過4次。

Kelly Chu