KellyChu - 公益金百萬行逾萬人響應 參加者：港珠澳大橋打卡好難得｜Executive日記

公益金為慶祝成立55周年，噚日首次喺港珠澳大橋舉行百萬行，有超過11000人參加。唔少參加者都話，可以踏足港珠澳大橋參與百萬行非常難得，大家紛紛邊行邊打卡，形容今次活動別具意義，係好好嘅回憶。

公益金百萬行昨早9點半開始，參加隊伍先喺亞博集合，再於觀景山隧道西面入口起步，行至沙螺灣附近折返，全程約6公里。帶同女兒參與百萬行嘅郭太指，可以喺港珠澳大橋舉辦百萬行難得，天氣好好，好舒服，而活動今年中途不設退出點，意味要堅持行到終點，對小朋友係好好嘅訓練。

亦有參加者表示，以往只能搭金巴經過連接三地嘅港珠澳大橋，首次用雙腳踏足好新奇，認為大橋各方面都建得好好，大家疫情後可以聚在一起支持公益慈善，亦別具意義，係好好嘅回憶。

Kelly Chu