KellyChu - 《走進奇案現場》第二輯3．19登場 | Executive日記

香港雖然係彈丸之地，但八十年代先後發生「雨夜屠夫案」及「寶馬山雙屍案」，兩宗案件在當年都相當震撼。《星島頭條》網精心炮製嘅《走進奇案現場》，第一輯播出「雨夜屠夫案」，得到熱烈迴響，19日即將播出第二輯，為讀者帶來「寶馬山雙屍案」鮮為人知嘅案情。

　　1985年4月20日，一對英籍情侶麥布萊（Kenneth McBride）及梅雅絲（Nicola Myers），喺寶馬山溫習期間，遭到五名童黨滋擾，童黨見人多勢眾，麥布萊又有傷患在身，於是越玩越大，不但對二人拳打腳踢，又性侵梅雅絲，最後頭目彭信義擔心被人認出，決定殺人滅口。二人被虐超過3個小時，身上有逾600多處傷痕，梅雅絲連眼球都脫落，足見童黨殘忍程度。

　　英國人被殺，警方大為緊張，出動260名機動部隊警員反轉寶馬山，成立不足兩年俗稱「O記」嘅有組織及嚴重罪案調查科，聯同指模部、科學鑑證部、化驗師、法醫官及皇家輔助空軍直升機協助偵查，查問超過18000戶，又用最新科技翻查及分析過去十年本港類似嘅暴力、色情案件。

　　有人統計過，成單案共花費約220萬元，當年元朗錦綉花園一間獨立室，售價只係十萬左右，案件投入嘅人力物力之多，不是絕後，也是空前。如果讀者想知道更多案情，敬請留意本月19日至22日播出嘅《走進奇案現場》。

　　想重溫精彩奇案，記得緊貼《星島頭條》「走進奇案現場」

　　https://bit.ly/3PD8lJR 

KellyChu