KellyChu - NBA「魔獸」侯活遊廟街 大讚香港係多元文化城市 | Executive日記

　　有綽號「超人」及「魔獸」之稱嘅NBA球星杜域侯活（Dwight Howard），最近現身香港參加活動，前日更去咗廟街體驗本港地道文化及美食，佢大讚香港係個多元文化城市，市民非常熱情。杜域侯活亦親自拍片鼓勵一眾學界球員「永不停步」！好有心。

　　青途發展社區發展協會邀請杜域侯活遊廟街，油尖旺民政事務專員余健強等人與佢同行，侯活喺廟街買咗唔少特色手信，佢大讚香港係個多元文化城市，市民非常熱情，處處驚喜，又對香港景色和文化讚不絕口，歡迎大家來香港。

　　侯活得悉青途正舉辦學界籃球季前賽，感到非常驚喜，更親自拍片鼓勵一眾學界球員，希望佢哋相信自己能夠做到，並變得更好，「即使遇到挫折，都不要停下腳步，繼續前進！」

KellyChu