Cally - 新地六大商場將免費直播奧運焦點賽事 多個商場出招推廣創造商機 | 商界講呢啲
四年一度嘅國際體壇盛事就嚟喺巴黎舉行,新鴻基地產(下稱新地)旗下六大商場宣佈由7月27號開始會喺場內大型電視屏幕免費直播焦點賽事,讓市民直擊比賽精彩時刻及為港隊打氣,帶動商場熱鬧氣氛,刺激人流消費。
新鴻基地產代理有限公司租務部總經理周淑雯表示新地多個商場推出各項宣傳攻勢,迎接這股運動熱浪嘅消費黃金檔期,包括新城市廣場、MOKO新世紀廣場、荃灣廣場及西沙GO PARK都推出唔同主題活動,YOHO MALL形點及新都會廣場將有相關優惠,讓全港市民投入體育狂熱。
MOKO新世紀廣場會喺7月27號港隊登場第一日喺商場MTR樓層中庭舉行「全城集氣直播盛典」,活動包括競技啦啦隊表演、有獎互動遊戲,並預計會直播女子個人重劍個人賽、女子400米自由泳分組預賽賽事。而The Point會員憑指定積分可參與活動及獲贈限定禮品包。
而於7月30號、8月2號及8月11號將會舉辦「獎牌激戰直播夜」,The Point會員可憑1,000分換領入場證1張,每張入場證可以2位入場,每位入場人士可獲贈限定嘅禮品包,直播夜可以分別睇到乒乓球混合雙打獎牌賽、羽毛球混合雙打獎牌賽以及場地單車女子全能賽等幾個直播。不過大家要留意直播活動時間或會根據實際嘅賽程變動,獲得入場證嘅人最好關注MOKO社交平台留意活動安排。
除咗直播活動之外,新城市廣場、MOKO新世紀廣場同埋荃灣廣場都推出唔同運動主題嘅裝置,迎接盛事。由即日起到8月11日去新城市廣場睇到今年奧運港隊代表團嘅FILA團服展覽;喺荃灣廣場有「SPORTS FIESTA」,包括「輕功水上飄競技樂園」繽紛充氣裝置玩樂及與KIDS FIT聯辦嘅「全港兒童追逐運動會」;而8月18日之前,MOKO新世紀廣場有與本地插畫家Cuson打造嘅「MOKO x Cuson最強運動聯『萌』」畀大家打卡。至於西沙GO PARK可體驗劍擊及戶外攀石運動。
商場借勢谷消費
另幾個商場會大搞消費禮遇,新城市廣場「盛夏消費賞」發放總值2,000萬元嘅電子禮券,喺直播賽事期間會派發運動品牌購物優惠禮券,聽落都幾吸引;YOHO MALL雲集超過20運動及時尚品牌,舉辦「YOHO Planet消費賞」,消費可賞高達$2,200消費贈券;荃灣廣場及新都會廣場兩場聯辦「荃葵青運動熱」,集合18個人氣運動品牌推出「豪派運動福利」及「運動熱賞」,消費滿指定金額可賞$400贈券;MOKO新世紀廣場的3大「運動應援禮遇」,包括專為運動員而設嘅「本地運動員應援賞」,提供低至25折精選商品,及高達$700消費回贈嘅「Summer Highlight消費賞」,個個場各出奇謀,抓緊商機。
新鴻基地產代理有限公司租務部總經理周淑雯提到:「巴黎體壇盛事即將開鑼,唔少市民鐘意去商場睇比賽,一齊為國家隊同香港運動員打氣,感受熾熱氣氛;所以新地旗下六大商場會全程直播焦點賽事,仲會以運動主題嘅互動佈置及精彩活動,令顧客可以一齊參與盛事。我們估計喺連串推廣下,可以進一步刺激顧客消費,期望帶動商場整體嘅人流同生意額錄得15%的增幅。」
![MOKO除咗打造「MOKO x Cuson最強運動聯『萌』」外,萌樣運動員裝飾最啱打卡。](https://image.hkhl.hk/f/1024p0/0x0/100/none/5a61f835d1cc5d7b26f50e8cbed08b5a/2024-07/ca2.jpg)
![新鴻基地產代理有限公司租務部總經理周淑雯。](https://image.hkhl.hk/f/1024p0/0x0/100/none/9cdb55a6844adbd3d0281fd8a631767a/2024-07/ca3.jpg)
![荃灣廣場舉行「SPORTS FIESTA」,可玩「輕功水上飄競技樂園」繽紛充氣裝置及「全港兒童追逐運動會」。 荃灣廣場舉行「SPORTS FIESTA」,可玩「輕功水上飄競技樂園」繽紛充氣裝置及「全港兒童追逐運動會」。](http://static.stheadline.com/stheadline/news_res/2024/07/24/76012/i_src_234414042.jpg)
![](http://static.stheadline.com/stheadline/news_res/2024/07/24/76012/i_src_423412141.jpg)
![](http://static.stheadline.com/stheadline/news_res/2024/07/24/76012/i_src_903623241.jpg)