KellyChu - 「燒天日落」浪漫洗版　天文台：難憑紅霞辨天氣 | Executive日記

　　Kelly嘅社交平台最近被「燒天日落」洗版，前兩日本港多區黃昏時份，都欣賞到由火紅漸變成粉紫嘅醉人日落。天文台解釋，出現偏紅嘅日落，代表大氣中嘅水氣已經好多，而且雲層已經從西方開始侵入，天氣將要轉為有雨。

　　天文台喺Facebook上傳多張網友影到嘅世紀晚霞作品，東至將軍澳、西貢蚺蛇尖、馬鞍山烏溪沙；西至青衣、東涌、流浮山，天空都上演咗一場美不勝收嘅紅霞。

　　根據天文台說法，喺中緯度地區，風雨好多時自西向東移動，日出前後出現偏紅朝霞，說明大氣中嘅水氣已經好多，而且雲層已經從西方開始侵入，天氣將要轉為有雨，所以「朝霞不出門」。黃昏看到晚霞，表示西邊上游地區天氣已經轉晴，陽光才能透過大氣散射和雲層反射而造成晚霞，所以「暮霞行千里」。

　　不過喺低緯度地區（例如香港），有時天氣系統自東至西移動（包括颱風），而不是由西至東移。因此，單憑霞光不能全面了解天氣變化，亦需要結合其他氣象要素綜合分析，先可更準確地預報天氣。

KellyChu