港股9月隱憂

30/8 周五月結大鱷推高港股任務完成, 下星期踏入美股魔咒月, 要落山了

######

8月期指結算價17648

8月國指期貨結算價6195

29/8 周四港股一度急跌，釋放沽壓後，好友果然咬住17600來結算, 港股低開高收, 單日轉向, 倒升收市

恆指低見17502秒殺牛牛, 守住17500大位拗腰向上呈陽燭, QQ回購守住$370大位倒升穩住港股, 加上美期午後彈高, 人民幣急升158點子創8個月高位 ，港股才得以唔跟上證下跌

今日港股有異動，成交明顯增加至$1081億, 為6/8以來最大成交，連內地股市成交都急增，今日插到落17500附近淡友平空倉, 淡友食胡沽空縮減, 有買盤入市趁低吸納, 美團公布業績後急升12.5%, 空軍走鬼回補空倉進一步推高股價， 公布業績前內銀A股急挫拖累相關H股

以周波幅計, 如能守住今日低位17502, 就要上破17879來擴大周及月波幅, 明日MSCl 更換成份股, 成交會急增, 會有大龍鳳，肥熊在17800-18400，只要升穿18000短炒好友就夠水位食胡, 然後輪到淡友出場

28/8 指數不同步的隱憂

27/8 恆指創今個月新高17879後咬住17600部署29/8結算位

27/8 國指創今個月新高6310後咬住6200 部署29/8結算位

19/8 科指創今個月新高3563 後反覆向下

1/8 上證創今個月新高2947 後反覆向下，28/8創半年新低2830

～～～～～

正常及健康市況上述指數應該同步做底頂及同一方向走，但上述數據顯示科指早已於19/8掉頭回落，上證亦於1/8 掉頭向下，失去科指上證的推動力，恆指國指夾硬挾上去殺淡友以及派貨，細成交挾高，根基不穩，內地股市資金流走，亦拉住港股後腿，撐埋結算後，下星期港股沽壓就會加劇，因為今年恆指最長係連升四周，9月開局就係第五周

近來(21-27/8)恆指雖然日日收陽, 但卻是細成交做出來的陽燭, 連千億都冇，而且今次反彈浪升勢並不全面，雖然多隻成份股破頂而上，不過唔少股份卻破位而下, 反映大鱷唔想加入新資金, 寧願換馬來炒高港股, 沽出悶/弱股, 轉炒消息股/熱門股來推高大市

近來港股雖然破頂而上, 不過由上星期五23/8起, 科指日日都跑輸恆指, 按照慣性走勢, 要科指國指強勢, 恆指才能飛天，幸好目前的測市指標，顯示8月仍由好友主導大市

港股處於上升勢頭, 震盪上行格局, 今個月恆指國指收升機會大，亦是港股於5月見頂以來首度月線收升，立秋7/8果然立抽, 轉勢向上，不過港股累積不少沽空盤亦是後患

近日恆指跑贏大市可能係因為地產股及內銀內險股受追捧, 有分析師指出內銀公布業績後可能會宣布更改派息政策, 由每年改為每半年派息, 可能係內銀做好的原因之一，空軍借勢於高位加沽

立秋變盤轉勢向上後恆指跌下彈下陰d陰d震住上, 短線好友炒家成本位16600-16800, 只要守住17000, 就代表好友仍想挑戰17800~18000阻力位, 短炒如果上到去就要睇位食胡, 要中線可才博上18500之上

自從7/8見底16684, 恆指就大漲小回向上走，睇牌面恆指8月是收升月，即係30/會收17345之上

～～～～～

匯市

21/8 港匯略為轉弱

26/8大鱷趁人民幣彈高借勢挾港股淡倉, 以及部署轉倉和期指結算, 港股乾升唔健康, 8月登高, 9月沽壓會增加, 

唔少股份受惠於人民幣轉強, 推動大市向上, 當人民幣見頂回落, 中港股市就危

要留意日圓匯價, 如持續走強股市壓力會大增，早前拆倉就出現小股災

美股有傳統9月魔咒, 今年8月升過龍, 9月沽壓會更大

美元失守103後反覆向下, 如守住100大位止跌回升不利股市

業績股飛天遁地、好淡通殺

港股升市成交縮，加上科指及上證弱勢，人民幣港匯回落，日圓走強，QQ莊家趁反彈減磅，仍受制於$380~$385, 業績股反艇，都拉住港股後腿

內銀內險A股撐住上證，令股民誤以為大市跌唔落，大鱷乘機推高港股派貨及換馬,要慎防股份公布業績前炒高容易見光死

大鱷/基金經理愛掃入即將除息股, 中移連日上升可能因為9月初除息, 由於9月係除息月, 會導致期指呈低水, 會早過現貨跌穿17500

公布業績: 拼多多26/8, 周三28/8美團、英偉達公布業績，周四29/8中國人壽.中信銀行.交通銀行.中國海洋石油.中國財險.人保.比亞迪.信達生物.中國海外發展.理想汽車.世茂集團.融創中國.中銀香港.長城汽車.中遠海運港口.中芯國際.招商銀行.中國銀行.東風集團, 30/8建行工行公布業績, 都會影響股市表現

多家企業公布業績後宣布回購計劃

港股成交持續萎縮, 個別業績股受壓, 大鱷換馬, 有資金炒減息及業績股，會導致股份大幅波動

阿里因月尾轉為美國香港雙重主要上市受資金追捧，不過係推高派貨

～～～～～

收升月會於月尾創新高

7/8 立秋港股轉勢向上，逐步收復多條重要平均線, 好友當道，加上資金流入, 推動恆指連升3周，惟於18000關前受阻, 美股8月初小股災後重拾升軌，要留意當美股見頂，港股就會掉頭向下

港股正在跟隨美股尋頂, 好友採取橫行消化沽壓來代替深度調整，不過當好友達到目的，例如殺完重倉熊/結算完之類，當好友縮手唔托，大市就會急挫

恆指受制於16/7下跌裂口阻力17899~17946，如能上破，就會挑戰18000-18200

每當港股 rsi 上到 65 附近，港股壓力就會大增

按照慣性走勢，月尾6天恆指不會全升或全跌

當大鱷一路推升屠熊，吸引牛牛上移，見牛多熊少，又或者見短頂, 大鱷就會失驚無神玩插水屠牛, 如市底強, 就會一插即彈, 只要守住17500上升浪仍未破壞，如失守，下一個大位17000-17200

大鱷大媽踢高港股走貨, 空軍見港股一路升就一路加沽, 代表後市有隱憂, 當港股見短頂就會插水

上證走勢疲弱，1/8已見頂2947回落，近日仍在2850穿梭，內銀內險A股輪流撐市仍不敵沽壓

周四29/8期結, 周五30/8 MSCl 更換成分股，成交會增加, 係大鱷出手良機

12/9及25/9 是關鍵日