沈園笑會

沈園會的故事是陸遊同唐婉的愛情故事ｏ此故事感人之處乃四十年後陸遊再進沈園題了三首詩, 傳誦至今ｏ而唐婉所寫的一首詞也很出色, 有東風惡（暗指惡家婆！）歡情薄之句, 令人惋惜ｏ

很多首歌都圍住呢件事泥寫, 例如最近黄SIR經常唱嘅係春娥勸夫, 就係講佢老婆見陸遊神魂癲倒, 冇心機造嘢, 特登去勸佢為國為民, 九月去選立法局, 搞到陸遊大唱二王迴龍腔, 大家去聽吓黄SIR點演譯, 就知番生陸遊係點嘅！

你地唔識陸遊？佢就係寫咗首:

死去原知万事空, 但悲不見九洲同m 王師北定中原日m 家祭無忙告乃翁, 果條友囉！成世人吊吊THING （唐司長語）ｏ吹水作詩作詞ｏ同黄SIR有得FLIGHT也ｏ

人人從此就叫佐佢做愛國詩人咁話嘞！

沈園之所以出名, 就係佢遊吓遊吓, 在壁上吹水（同黄SIR網上吹水, 有異曲同工之妙！）於是咪傳頌千古囉！（而家黄SIR仲網上留歌添啦！我就好覺自已唱得好過羅家宝了ｏ你地話呢？吓？）

黄滕酒而家都冇得賣啦！咸豬手就成日有得食！（其實紅酥手係乜都冇乜人知也？）

唱粵曲, 真係要識好多嘢至得得嫁ｏ

唔係你烏殊殊, 陸遊係乜水, 又唔知ｏ唐婉係乜水, 又唔知ｏ.春娥你又當真有其人, 又點能入戲呢ｏ仲有趙郎, 你就當咗佢係常山趙子龍, 又點唔死吖, 人地趙子龍出咗名, 無胆入情關, 你就唱到佢多情到死, 真係唔得你死也！

粵曲万歲！粵曲真好玩！