煩惱自尋

相信很多朋友都有咁嘅經驗, 本來就舒舒服服, 安安靜靜, 悠悠閒閒, 但一時間都唔知戚起边條筋, 走去做一D嘢, 搞到周身蟻, 洗濕個頭, 進退兩難！

以前踢足球有句名言, 叫做KEEP THE WINNING TEAM, 意思即係嬴開波就千祈唔好換人, 因為好多時一換人就會輸！（輸佐就一定賴換人事！）

風水學亦教人, 果排順風順水, 千祈咪搞大動作, 改裝修ｏ

有D人無無聊聊, 就走去澳門賭錢, 結果就失控, 欠了大耳窿債, 跟住番屋企因財失義, 搞到離婚, 妻離子散, 家破人亡ｏ

有D人又係, 無無聊聊, 走去搞婚外情, 古古惑惑, 衰衰格格, 搞到家不成家, 又係妻離子散, 家破人亡至肯收科ｏ

現實生活太多呢D事例, 有時真係一動𣎴如一靜ｏ

有單嘢, 話有位朋友見有間什么什么電話公司平, 要換間公司, 結果舊果間就CUT咗, 新果間D線就未鋪到佢屋企, 搞到半天吊冇電話用！

一唔係無嗱嗱想整靚D間屋, 但又唔好彩揾來一個無良的裝修佬, 整到間屋爛晒, 收埋錢, 放你飛機, 真係喊都無謂！呢D就正牌煩惱自尋了ｏ

一唔係無嗱嗱走去玩, 遇倒海嘯, 地震, 車禍！真係更加悔不當初了ｏ

有時一動不如一靜, 學吓黃SIR得閒寫吓BLOG, 吹吓水, 咁就一定冇咁煩啦ｏ