粉牌（筆）字

黄SIR細時有段時期由祖母帶大, 祖母是一個很有智慧的女人ｏ有時我眼見有人得罪佢, 令佢很惱怒, 但到下一次,又遇到此等人, 卻可以若無其事, 好做什麼事也设有發生過ｏ有次我忍唔住問佢, 乜你唔記仇咩？佢教我, 要當泥D係粉牌（筆）字, 抹了就沒有了ｏ

原來人的煩惱, 好多事都是太記仇, 尤其是越親近的人, 日日接觸, 日日講咁多嘢, 做咁多嘢, 你樣樣都記住, 成日反復提住, 小事都变大事啦！如果大家EQ高D, 一笑泯恩仇, 日子就好過好多矣！

有時一時講錯了, 或者做錯了, 大家都有粉牌字的智慧ｏ睡醒了, 已經忘得一干二淨, 是不是好過大家一直互相仇恨呢？如果真的忘不了, 放不下, 大家冷靜一段日子, 就當冇事發生過一樣！係唔係做人會快樂好多呢？

可憐如此簡單的道理, 大部份人都做唔到ｏ小事反覆講完又講, 升温再升温, 搞到人際關係一團糟！呢D就係太好記性之過也！

如果什麼事都可以是粉牌上, 用粉筆寫的字一樣, 抹了就無事了, 錯了就改過再寫, 幾易呀！