玩樂奇譚

做人解決了基本生活需求, 就自自然然去追求快樂ｏ要快活自不然要揾D嗜好,例如好似黄SIR咁, 唱吓粵曲呀, 跳吓社交舞呀, 寫吓BLOG呀, 吹吓水呀, 講三講四, 諸如此類, 過吓日辰, 咁已經可以日日快活過神仙了ｏ

有時玩樂, 也會遇倒D唔開竅嘅人, 玩都玩得麻煩過人ｏ例如唱粵曲, 居然可以唱到日日唔開心, 又驚呢樣, 又驚果樣, 有人甚至吹到, 唱粵曲, 唱到要賣樓, 玩到家散人亡, 真係認真奇事也ｏ

不過又真係有D人, 玩樂玩到妻離子散噃, 據聞有两對夫婦同是唱粵曲之人, 首先是一方之男與另一方之女發生感情, 跟住剩下之一男一女又变佐同病相憐, 由憐就生愛, 又組成另外一對, 於是变了大團圓結局, 两人交換了配偶, 一齊去玩！真奇譚也ｏ

跳舞跳到出新聞, 莫如滙豐一姐個單案, 嘩, 駛成千万落跳舞度已是奇譚中之奇譚,  仲要俾個老師用粗口侮辱話佢蠢, 真奇中之奇也ｏ叠水得泥, 仲要咁下氣去學, 真虧佢咯！

黄SIR就一句都唔話得, 試過教協有個女老師唔識死, 要我拍手打拍子俾佢睇,我直情話唔識打拍子, 吹到佢漲ｏ跟住有機會就唱佢唔識教！黄SIR係咪好小氣呢？但我都冇告佢呃我十文一堂噃！