過時的古訓

以前D老嘢, 教人要努力工作, 積穀防飢, 就算有錢, 都唔可以唔做嘢ｏ

有所謂: 家有二千, 每日二錢, 全無生計, 用得幾年？

所以D人係冇所謂退休, 冇所謂唔駛做的慨念, 唔駛做都一定揾D嘢做, 以為唔做就一定等乞米！

所以在黃SIR04年退休時, 同年眼見很多教育界的老師, 也因教育資源不足, 失去了教育工作, 但又手揸一定的公積金或退休金, 就因為怕全無生計, 用得幾年？又聽咗D官方宣傳, 創業自救, 自搞小企業, 企圖或意圖發揮自我經濟增值！

誰知如此一來, 陷入了更大的經濟危機ｏ第一, 此類人物, 根本不是營商材料, 由入貨開始, 已成奸商之魚腩, 到銷售又全無推銷的軍馬ｏ我試過有一次同呢類人買小電器, 居然俾佢教訓我慳電環保ｏ大佬！你賣嘢定搞教育呀？

所以很多營得两營, 輸埋D老本, 弄到周身唔得掂ｏ反而果D, 乜都唔做, 買吓保本基金, ELN, 買D大藍籌, 乜都冇做, 日日吃喝玩樂, 仲樂能逍遙ｏ

你話係咪唔做好過做吖？吓？

所以全無生計, 如果好橋, 都可以用得好多年嫁！