梅菲定律（MURPHY’S LAW）

既然講開科學, 不妨和大家談一談一條在工程界非常有名的定律, 就是梅菲定律了（MURPHY’S LAW）, 這條定律不是一條真的定律, 只是一位名叫梅菲的工程師觀察了很久, 得出了這條工作上經驗的定律ｏ

這條定律的主要意思就是, 任何事物, 如果有可能出錯, 通常佢都會出錯, 而且出錯的時候, 正正是你最不想佢出錯的時候ｏ

例如有一單工程, 完工了, 正正要去作示範, 通常都會在最人齊的時候, 大粒佬都到塲了, 示範就死火！（此乃一例）ｏ記得當年紅磡車站請了雅麗珊公主剪綵,小弟代表安培泛達公司（AMPEX）在塲示範電腦, 大家一早準備就緒, 公主一到ｏ開電源示範, 即燒灰士, 連燈都冇埋, 好嘢啩！駙馬爺一句MURPHY’S LAW, 記憶猶新也ｏ

小弟買馬, 經常買晒全餐WIN , 十四隻, 每隻買十皮, （貪佢中硬, 實有錢收也ｏ）當然唔想佢開14倍以下個D啦（輸錢嘛）ｏ但ACCORDING TO MURPHY’S LAW 佢就偏偏開正我輸的賠率, 而且仲經常開最熱個隻添, 幾死邪呀ｏ

好了, 為咗嬴錢, 將D冇機會（我認為）D打走, 買少幾匹, 通常就係唔買個D跑出嚟, 不過小弟明知世事ACCORDING TO MURPHY’S LAW  係咁嘅, 就處之泰然ｏ

所以話, 讀得書多, 自會明白事理, 唔會怨天怨地, 又唔會話自己黑仔, 又要改運, 又要祈福, 又呢又路, 做埋晒D唔等駛嘢ｏ

梅菲先生就發明了呢條定律而揚威工程界, 而且曲藝界, KC先生就話, 唱歌可以出錯的, 一樣會出錯,  而出錯的時候, 也會在你最唔想出錯之時, （例如唱俾師傅聽呀, 出SHOW呀之類ｏ）泥條就係 KC定律了（KC’S LAW）ｏ