.憂能傷人

黃SIR有時見身边的朋友, 憂心忡忡, 𣎴是為健康就是就人際關係, 再唔係就為感情, 經濟, 生活鎖事！憂得两憂, 得埋個絕症（CANCER呀, 情緒低落！厭食！痴咗線！ 發癲！）之類ｏ咁一生就玩完！

能夠跳出三界外, 不落五塵中, 一定要搞通思想ｏ其實好多嘢, 都係人的思想作怪, 越諗就越驚, 越諗就越惨！諗吓諗吓, 想到惨過死, 不如就先死鬼咗佢！你話死唔死？試想, 如果你能諗到最壞情况（WORSE CASE）也不過是死！咁又駛乜死呢？

所以担心到死, 係最無謂者也ｏ講俾人聽, 等人地同你分憂下（唔肯分憂？仲同佢做朋友？）如果同病仲好ｏ同病就相憐也！

正如講俾黄SIR聽, 等佢講俾全世界聽ｏ咁你就覺得,都冇乜嘢之馬ｏ絕症？仲未死！失戀？仲未死！輸晒D錢？仲未死！甩曲？仲未死！

一諗到唔駛死！仲有乜可以憂呢？

仲可以吃喝玩樂！個老公衰格？俾頂綠帽個衰佬戴囉！（舉例而己！）絕症？荒淫吓先ｏ駛晒D錢仲有綜援也！想到仲可以活着, 仲有乜好驚！因為仲有好多嘢好玩者也！

所以, 聽黃SIR話，唔駛憂，因為憂能傷人也！明冇？