人之患在好為人師

這句說話的意思是, 人的弊病（患）係好鍾意去教人, 做別人的老師ｏ

所以D老師介紹自己職業的時候, 就謙稱自已做………人之患嘞！

比如你在同親戚或朋友飲茶, 食飯塲合, 經常有D人教你呢樣果樣ｏ

你千祈唔好俾人知你, 有乜嘢大小毛病, 否則一定有人教你一D中西驗方！當然有靈有唔靈啦, 但可以話, 一定會有人教你！

黄SIR細時, 有位男親戚生痔瘡, 吾父就教佢用蠔殼煅灰, 查在患處！自此以後, 就好小見這位親戚, 拜訪我家矣！

細時我街有位小朋友, 佢本來只是視力衰弱, 未至盲ｏ但有人教佢, 用一種什么樹葉揸汁外敷（今次同超伯無關！）結果佢咪盲鬼咗囉！

可見D人, 幾鍾意教人ｏ以前黄SIR有位男同事, 日日教黄SIR煮餸, 什么蒸水蛋包滑, 什么蒸魚七分鐘大法, 等黄SIR到而家都識講, 點煮幾味！

最近網上忽然走來一位女仕, 要教黄SIR唱粵曲, 令黃SIR不禁想起人之患, 這句說話, 真的一點也冇錯也！

可惜的是, 黃SIR並不是, 係人教都會照單全收之人,唯有不識枱舉矣！