逐紅塵（二）

九龍西是超伯住的選區, 810網友美孚名樓茶聚, 田北辰先生走來同超伯握吓手,影張相, 吹幾句水, 諗住就可以呃D選票, 真真弱智夾無聊也ｏ

樓下梁美芬又在握手, 又在影相, 都唔知選边個好？好在黄SIR在新界東, 唔駛諗！

此區有好多騎呢怪！有個3號占士LO, 跳晒弱智舞！成個低B仔咁欵, 專攻南亞客, 非常搞笑！有次黃毓民媽义毛孟靜講大話, 毛孟靜話唔關佢事！低B仔一針見血！話: 唔關你事！你又答！吹到毛孟靜漲！

毛孟靜俾黃毓民鬧到失晒魂, 居然爆出: 泛民𣎴打泛民的廢話！可見政治是狐朋狗黨之作也！

逃緊身一路搏選民失憶, 忘記了佢呃錢, 如果佢仲選倒, 証明選民的低智也, 難得仲有個陳方安生偽民主女神撐佢！咁都得？真無恥也！

劉千石玩潛水, 又睇吓呢招得唔得？選舉可以咁都得, 可見在這班人心目中, 選民的位置何在？唔駛企出泥交待乎？

有位林依麗擺明出風頭！係都話四姨太唔合法, 分明同何鴻燊唔妥！吹咩？諗住唔收番保証金, 當打吓小人都好也！

呢區只得五個位, 有13張名單, 好過癮！

傳媒記住訪問D失敗者, 睇吓佢地選完, 又有乜嘢講？